Ný Fab Lab-smiðja opnar í Eddufelli 2 í Breiðholti í lok janúar í samstarfi Nýsköpunarmiðstöðvar Íslands, Reykjavíkurborgar og Fjölbrautaskólans í Breiðholti. Undirbúningur smiðjunnar, sem framvegis mun heita Fab Lab Reykjavík, hefur staðið yfir í hálft ár, en í smiðjunni munu ungir sem aldnir fá tækifæri til að þjálfa sköpunargleðina og hrinda hugmyndum sínum í framkvæmd með því að hanna, móta og framleiða hluti með aðstoð stafrænnar tækni. Nýsköpunarmiðstöð Íslands mun hafa umsjón með verkef