Netaðgangur, tölvur og hugbúnaður
FBNET er öflugt, þráðlaust netkerfi skólans, opið fyrir nemendur og starfsfólk. Nemendur geta nýtt eigin tölvur eða snjalltæki til að komast á netið. Á bókasafni eru tölvur sem nemendur geta notað. Guðjón Ívarsson kerfisstjóri aðstoðar nemendur og starfsfólk. Netfangið hans er gman@fb.is.
Dreifnám (Moodle) er kennsluvefur sem kennarar nota í samskiptum við nemendur til að miðla upplýsingum, verkefnum, prófum og margs kyns ítarefni. Vefslóðin er fb.dreifnam.is. Jóhanna Geirsdóttir, tölvukennari, hefur umsjón með dreifnáminu (Moodle) og sinnir þjónustunni í gegnum tölvupóst. Netfang hennar er jge@fb.is.
Innan á vefslóðinni www.inna.is er námsskráningarkerfi framhaldsskólanna. Þar eru skráðar og varðveittar allar upplýsingar um námsferla nemenda, stundaskrár, viðveruskráningu o.fl. Sérhver nemandi fær aðgang að Innu og einnig geta forráðamenn nemenda undir 18 ára aldri fengið aðgang. Þeir sækja sér lykilorð í gegnum „gleymt lykilorð“ og nota eigin kennitölu.
Samskipti við nemendur og foreldra fara að hluta til í gegnum Innu og því er mikilvægt að skrá í Innuna virkt netfang nemanda og forráðamanns. Ef netfangið í Innu er ekki rétt skal senda tölvupóst til fb@fb.is með ósk um breytingu. Ef kennari forfallast, fá nemendur sendar upplýsingar þar um í tölvupósti í gegnum Innuna. Umsjón með Innu hefur Berglind Halla Jónsdóttir, áfangastjóri. Netfang hennar er bhj@fb.is.
Við mælum með að Apple notendur fari á Innuna í Chrome vafranum. Það er hægt að sækja hann í App Store.