Stefnir þú á háskólanám í skapandi greinum?

Við bjóðum upp á skapandi og uppbyggilegt tveggja anna nám sem veitir góðan undirbúning fyrir nám í háskólum eða sérskólum á sviði skapandi greina s.s. myndlist, arkitektúr, gullsmíði, fatahönnun o.fl.

Áhersla er lögð á myndlist, lita- og formfræði, hugmyndavinnu, nýsköpun og fablab-áfanga, módelteikningu og stafræna myndvinnslu. Hægt er að velja áfanga og byggja námið upp eftir sínu áhugasviði. Í boði er meðal annars ljósmyndun, frumgerð og endurhönnun, tískuteikningar, fatasaumur, vefnaður, málun, fjarvídd, listasaga og kennsla á hönnunarforrit.