Skólafundur verður miðvikudaginn 10. apríl, klukkan 11-12 í miðrými á 2. hæð skólans, (við stofur 21-28). Málefni fundarins: Samskipti. Allir þátttakendur fá pizzu í lok skólafundar. Skólafundur er lýðræðislegur vettvangur þar sem nemendur og starfsfólk skólans fá tækifæri til þess að segja sína skoðun á hin ýmsu málefni skólastarfsins. Á fundinum ræða þátttakendur saman í [...]

Páskafrí er í skólanum frá 25. mars til og með 1. apríl. Þriðjudaginn 2. apríl er námsmatsdagur. Hefðbundin kennsla hefst aftur miðvikudaginn 3. apríl.

Nemendur FB hafa staðið sig vel undanfarið með frábærri frammistöðu á ýmsum sviðum og verið sjálfum sér og skólanum til mikils sóma. Við erum virkilega stolt af því og óskum þeim öllum til hamingju með árangurinn. Sjá nánar á meðfylgjandi myndum.

Í síðustu viku fékk skólinn ánægjulega heimsókn. Það var sendiherra Bandaríkjanna á Íslandi, Carrin F. Patman sem heimsótti okkur í um 2 klukkustundir. Hún fór í stutta gönguferð um skólann ásamt skólameistara og fylgdarliði, heimsótti nemendur í félagsvísindaáfanga, hélt fyrir þau erindi og spjallaði við þau. Loks heimsótti hún Fab Lab Reykjavík. Heimsóknin var mjög [...]

Eva Sóllilja Einarsdóttir varð í fyrsta sæti í forritunarkeppni framhaldsskólanna, Beta deild! Keppnin var haldin í Háskólanum í Reykjavík dagana 8. og 9. mars og var Eva Sóllilja ein í liði en venjulega eru þrír þátttakendur í hverju liði. Stórkostlegur árangur, til hamingju Eva Sóllilja!

Dagana 6. og 7. mars eru Sæludagar í FB en það eru óhefðbundnir dagar sem eru skipulagðir af nemendum. Með þátttöku á sæludögum er hægt að fá 16 fjarvistarstig felld niður, fjögur stig fyrir hvern viðburð. Skráning fer fram á www.saeludagar.is. Á fimmtudagskvöld fer svo árshátíð skólans fram.  

Föstudagurinn 1. mars n.k. er námsmatsdagur og starfsþróunardagur starfsfólks, hefðbundin kennsla fellur því niður þann dag.

Söngkeppni FB fór fram á dögunum þar sem Sigurborg António Smáradóttir bar sigur úr býtum. Hún mun keppa fyrir hönd FB í söngkeppni framhaldsskólanna í apríl. Til hamingju Sigurborg!

Mánudaginn 19. febrúar er vetrarfrí og skólinn lokaður. Dagana 20.-23. febrúar eru námsmatsdagar. Hefðbundin kennsla hefst aftur mánudaginn 26. febrúar.

Til hamingju FB! Spænskuhátíðin var haldin á dögunum í Veröld – Húsi Vigdísar. Spænska sendiráðið á Íslandi heldur keppnina. Nemendur gerðu stuttmynd og hver skóli sendi eitt myndband frá sér í keppnina. Í ár áttu nemendur að vinna með heimsmarkmið númer 4 „Menntun fyrir alla“. Skólarnir sem unnu í ár voru Versló, MH og FB! [...]