Þú ert hér:|Kvöldskóli FB
Kvöldskóli FB2018-09-12T16:15:16+00:00

Vorönn 2018 í kvöldskóla FB

Í kvöldskólanum er boðið upp á nám á húsasmiðabraut, rafvirkjabraut og sjúkraliðabraut. Einnig eru í boði valdir bóklegir áfangar sem nýtast bæði á verk- og bóknámsbrautum.

Skráning fyrir haustönn 2018 hefst 1. júlí  á www.fb.is

Kennsla á haustönn 2018 hefst samkvæmt stundatöflu 22. ágúst.

Skrifstofa Kvöldskóla FB

Skrifstofa kvöldskóla FB er opin mánudaga til fimmtudaga kl. 18:00-20:00 fyrstu tvær kennsluvikur kvöldskólans. Eftir það er hún opin eitt kvöld í mánuði, út önnina. Fyrirspurnum sem sendar eru á kvold@fb.is verður svarað samdægurs alla virka daga.

Innritun

Innritun og umsóknir í Kvöldskóla FB

Ekki er um að ræða formlegar umsóknir í Kvöldskóla FB. Með innritun í skólann er nemandi í raun að sækja um skólavist. Innritun fer að mestu fram á netinu. Netinnritun er venjulega opnuð í byrjun desember fyrir vorönn og í byrjun júlí fyrir haustönn. Þá er virkjaður hnappur á heimasíðu FB sem tengir beint á innritunarsíðu. Einnig er alltaf innritað í skólanum fyrir hverja önn. Dagsetningin er tilkynnt á heimasíðu og auglýst í fjölmiðlum. Þessi innritun er venjulega rétt áður en kennsla hefst og eru fagstjórar, námsráðgjafar og áfangastjórar til viðtals á innritunardegi.

Gjaldskrá Kvöldskóla FB

Nemendur greiða 1000 króna óendurkræft innritunargjald fyrir hvern áfanga og síðan 4.750 krónur fyrir hverja einingu og 2.800 krónur fyrir hverja framhaldsskólaeiningu (feiningu). Þá eru nokkrir áfangar í skólanum sem bera efnisgjald og greiða nemendur það einnig.
Hægt er að greiða með greiðslukorti og er mest hægt að skipta greiðslum í þrennt. Skiptingu fylgir lántökukostnaður og innheimtugjald. Gjald fyrir mat á fyrra námi kostar 3.500 krónur.

Reikningsnúmer kvöldskólans er:
kt. 590182-1099
115-26-11000
Vinsamlega sendið kvittun á kvold@fb.is

Endurgreiðslur

Ef nemandi skráir sig í áfanga sem fellur niður af einhverjum ástæðum, fær nemandi skólagjöldin endurgreidd að fullu. Nemendur geta ekki krafist endurgreiðslu eftir að kennsla hefst.

FABL2FL05

FabLab I
Í áfanganum kynnast nemendur möguleikum stafrænnar tækni og frjáls hugbúnaðar í Fab Lab smiðju.
Nemendur fá þekkingu á áhöldum smiðjunnar í gegnum verkefnavinnu og notast við tækni 21. aldarinnar með stafrænum framleiðsluaðferðum. Kennt er á frí tvívíddar og þrívíddar teikniforrit sem henta fyrir hönnun og auka nýsköpun. Verkefni eru framkvæmd í tölvustýrðum laserskera, vínylskera, og þrívíddar prentara. Nemandinn öðlast færni til að virkja sköpunarkraft sinn og framkvæma í Fab Lab smiðju í mismunandi efni eins og tré, plexí, gler, vínylfilmu og pappír. Kennt er á miðvikudögum frá 18:00-20:10. Kennari er Soffía Margrét Magnúsdóttir.

Fréttir af Kvöldskóla FB