Skólafundur var haldinn með breyttu sniði sl. miðvikudag. Starfsfólk og nemendur ræddu málefni sem varða okkur öll í skólanum í dag. Virk og góð umræða skapaðist á öllum borðum. Málefnin voru skólareglur, raunmæting, mötuneyti, íslenskuþorpið, skólaráð og fleira. Takk öll sem tókuð þátt og takk NFB.

Sýningin Gildi opnaði í Hinu húsinu þann 4. nóvember og stendur til 4. desember. Þar sýna útskriftarnemar af myndlistarbraut verk sem þau í vinnustofu-valáfanga á þessari önn. Sýningin er öllum opin og aðgangur er ókeypis.

Nýverið komu Katrín Jakobsdóttir forsætisráðherra og Ásmundur Einar Daðason mennta- og barnamálaráðherra í heimsókn til okkar í FB. Stjórnendur, nemendur og kennarar spjölluðu við ráðherrana um ýmis brýn málefni sem brenna á skólasamfélaginu, við þökkum þeim kærlega fyrir komuna og gott samtal.

Innritun í kvöldskóla FB fyrir vorönn 2024 opnar 21. nóvember kl. 9:00 en kennsla hefst 4. janúar. Í kvöldskólanum er boðið upp á nám á húsasmiðabraut, rafvirkjabraut og sjúkraliðabraut. Einnig eru í boði valdir bóklegir áfangar sem nýtast bæði á verk- og bóknámsbrautum. Námsráðgjafar aðstoða við innritun bæði í síma og í gegnum tölvupóst, Elísabet Vala, evg@fb.is, [...]

Skert þjónusta verður á skrifstofu skólans 16.-28. október sem getur meðal annars haft áhrif á símsvörun.

Föstudaginn 13. október var undirritaður samstarfssamningur um sjálfbært hús á lóð skólans. Guðrún Hrefna Guðmundsdóttir skólameistari skrifaði undir samninginn fyrir hönd FB, Ingibjörg Ólafsdóttir framkvæmdastjóri framleiðslu og sjálfbærni fyrir hönd Rafal og Ásgeir Ásgeirsson deildarforseti iðn- og tæknideildar fyrir hönd Háskólans í Reykjavík.

Sjálfbært hús rís nú senn á skólalóð FB. Í dag var steypuvinna fyrir plötuna undir húsið í fullum gangi. Verkefnið er samvinnuverkefni nemenda og kennara á húsasmiðabraut, rafvirkjabraut og verkfræðideildar Háskólans í Reykjavík. Stefnt er að því að nota eingöngu sjálfbæra orku til að hita upp húsið og rafvæða það. Þá verða notaðar sólarsellur og [...]

Við þökkum Ásmundi Einari Daðasyni mennta- og barnamálaráðherra innilega fyrir komuna í FB í dag. Upplýsandi og gefandi umræður sköpuðust milli ráðherra og nemenda sem og stjórnenda sem áttu góðan fund á bókasafni skólans. Í lokin leit ráðherra meðal annars inn í tíma hjá erlendum nemendum og skoðaði byggingu sjálfbæra hússins okkar á skólalóðinni.

Fræðsludagur haustannar var miðvikudaginn 20. september en þá er hefðbundin kennsla brotin upp með ýmsum viðburðum. Farið var í vettvangsferðir innan- og utanbæjar auk alls kyns viðburða í skólanum. FB-ingar voru til fyrirmyndar og veðrið sömuleiðis!