Risabingó verður í matsal FB miðvikudaginn  21. september  kl. 18:30. Húsið opnar kl.18:00 og bingóið hefst klukkan 18:30. Allir velkomnir! Það eru átján nemendur í ferðatengdum spænskuáfanga skólans sem standa fyrir Bingóinu til þess að safna fyrir námsferð til Sevilla á Spáni. Spjöldin verða á 500 stykkið og ljúfengar veitingar til sölu í hléi. Anna Sigríður Sigurðardóttir og Auður Lorenzo spænskukennarar fara með nemendum í ferðina. Áfanginn byggist á því að fræðast um sögu og menningu borgarinnar Sevilla og læra orðaforða sem nýtist á ferðalögum. Hópurinn fer til Sevilla í nóvember.