Áfangalýsing
Lögð er áhersla á frekari smíði rafeindatækja. Nemendur kynnast nánar undirstöðuatriðum í vinnu rafiðnaðarmanna, vinnuvernd, reglugerðarákvæðum, efnisfræði, áhalda- og tækjafræði, verktækni, ásamt umgengni rafiðnaðarmanna á vettvangi. Fjallað er um uppbyggingu lokaverkefnis í grunnnámi rafiðna sem nemendur vinna að í þrjár annir og eignast í lok 4. annar. Lokaverkefnið getur t.d. verið viðvörunarkerfi þar sem um er að ræða stjórnstöð og ýmsan jaðarbúnað. Smíðaðar eru einfaldar rafeindarásir með transistorum og IC-samrásum. Lögð er áhersla á tengsl þessa áfanga við RTM 102 og RAM 203.
Áfangamarkmið
Nemandi
- geti unnið með algengustu hand- og rafmagnsverkfærum
- geti sett saman einföld rafeindatæki með transistorum, IC-samrásum og öðrum algengum íhlutum
- læri að nota helsta öryggis- og hlífðarbúnað (persónuhlífar), forðast eiturefni og átta sig á mikilvægi góðrar loftræstingar á vinnustað
- kunni skil á algengum mælitækjum og geti valið réttan tækjabúnað til skoðunar á rafeindarásum
- þekki uppbyggingu hátalara og hljóðnema
Efnisatriði
Smíði prentrásarplötu. Vinna við undirbúning lokaverkefnis. Smíðuð einföld rafeindatæki, svo sem ljósstýrð tæki seinkunarliðir, spennugjafar, spennustillar, púlsagjafar og tengisnúrur. Þjálfun í notkun hliðrænna og stafrænna mælitækja, svo sem fjölsviðsmæla, merkjagjafa og sveiflusjáa.
Námsmat
Verkefni og próf. Lágmarkseinkunn í áfanganum er 5.