Í áfanganum eru rifjuð upp helstu atriði spænskrar málfræði og úrvinnsla þeirra. Nemendur lesa bókmenntir og kafla úr sögu Spánar og Rómönsku Ameríku. Blaðagreinar eru lesnar og verkefni unnin. Þýðingar eru unnar og endursagnir þjálfaðar í ræðu og riti. Nemendur skrifa ritgerðir og þjálfast í að verja skoðanir sínar og segja frá atburðum. Sérstök þemaverkefni að vali nemenda eru unnin og kynnt. Unnið er markvisst með orðabækur. Nemendur þjálfast í notkun reglna um áherslur spænskrar tungu (t.d. (palabras llanas, agudas y esdrújulas).) Þeir eiga að halda uppi löngum samræðum um undirbúin viðfangsefni t.d. geta sagt frá upplifun sinni og túlkun á lesnu efni og notað nokkuð auðugan orðaforða, tjáð sig á gagnrýninn máta um lesið efni og haldið stutt erindi.