Í áfanganum er lögð áhersla á að nemendur tileinki sér undirstöðuþætti raflagnateikninga og nái að tengja ákvæði reglugerða og öryggisþátta við frágang raflagnateikninga. Einnig að nemendur átti sig á tengslum mismunandi teiknireglna við verklegar framkvæmdir. Í áfanganum fá nemendur þjálfun í að teikna og lesa einfaldar raflagnateikningar þ.e. fyrir lagnir að og með 63 Amper. Þá er nemendum kennt að magntölutaka og kostnaðarreikna raflagnateikningar.
- þekki reglur um blaðstærðir, mælikvarða og teikniáhöld
- þekki íslenskan staðal um raflagnateikningar, gerðir teikninga og öll almenn teiknitákn
- þekki teiknireglur smærri neysluveitna að og með 63 A, svo sem íbúðir og sumarhús
- kunni skil á tæknilegum tengiskilmálum
- geti teiknað og lesið einfaldar raflagnateikningar í smærri neysluveitum að og með 63 A, svo sem íbúðir og sumarhús
- geti magntölutekið einfaldar raflagnateikningar og kostnaðarreiknað smærri neysluveitur
- geti valið og ákvarðað efni og búnað fyrir raflagnir í smærri neysluveitum að og með 63 A, svo sem íbúðir og sumarhús
- hafi gott vald á heitum og hugtökum raflagnateikninga
- hafi gott vald á teikningalestri, magntöluskráningu og kostnaðarreikningi
- hafi gott vald á reglugerðarákvæðum varðandi teikningar í smærri neysluveitum
- hafi gott vald á heitum og hugtökum raflagna og raflagnatákna í smærri neysluveitum
Efnisatriði
Gerð og lestur raflagnateikninga fyrir íbúðarhús, sumarhús, nýlagnir, viðhaldslagnir, varnarráðstafanir, rofabúnað, tenglabúnað, ljósabúnað, raftaugar, sökkulskaut. Frágangur og skipulag teikninga. Teiknireglur og reglugerðarákvæði varðandi þurra staði, íbúðarhús, sumarhús. Blýpennar, reglustikur, málstikur, reglugerð um raforkuvirki, orðsendingar um raforkuvirki, tæknilegir tengiskilmálar, reglugerð um brunavarnir, byggingareglugerð, reglugerðir um staðla.
Námsmat
Byggt er á verkefnavinnu, skýrslum og lokaprófi. Lágmarkseinkunn er 5.