Þeir sem lokið hafa grunnskólanámi, hafa hlotið jafngilda undirstöðumenntun eða náð 16 ára aldri eiga rétt á að hefja nám í framhaldsskóla og að stunda þar nám til 18 ára aldurs.
Inntökuskilyrði
Til að innritast á námsbrautir skólans er krafist lágmarkseinkunnar 5 í íslensku og stærðfræði.
Til að innritast á stúdentsprófsbrautir á bóknámssviði er að auki krafist lágmarkseinkunnar 6 í þremur greinum af fjórum
- í íslensku, ensku og samfélagsgreinum á félagsfræðibraut,
- í íslensku, ensku og dönsku á málabraut og
- í íslensku, stærðfræði og náttúrufræði á náttúrufræðibraut.
Nemendur geta innritast í nám til framhaldsskólaprófs og á almenna námsbraut þrátt fyrir að einkunn í einni eða tveimur grunngreinum (ÍSL, ENS, DAN, STÆ) fullnægi ekki skilyrðum um lágmarkseinkunnina 5.
Til að innritast á innflytjendabraut þarf að fara í viðtal hjá verkefnastjóra innflytjendabrautar.
Á starfsbraut er innritað í janúar-febrúar samkvæmt auglýsingu frá menntamálaráðuneytinu.
Umsóknir
Umsóknir eru fylltar út á netinu í gegnum vefinn menntagatt.is og er opnað fyrir umsóknir í júníbyrjun fyrir haustönnina og í nóvemberbyrjun fyrir vorönnina.
Umsóknareyðublað fyrir þá sem vilja sækja um á FramaBraut í Fjölbrautaskólanum í Breiðholti er hægt að nálgast hér. Nemendur þurfa að prenta eyðublaðið, fylla það út og fara með það til síns íþróttafélags og koma því svo á skrifstofu FB. Ekki er hægt að sækja um FramaBrautarnámið rafrænt.
Móttökuáætlun nemenda með íslensku sem annað mál
Samstarf við grunnskóla: Fjölbrautaskólinn í Breiðholti sér um almenna kynningu fyrir grunnskólanemendur sem hafa íslensku sem annað mál. Á grunnskólakynningunni eru nemendur í grunnskólum í Breiðholti boðnir sérstaklega velkomnir, ásamt umsjónarkennurum og námsráðgjöfum grunnskólanna. Umsjónarmaður innflytjendabrautar sér um kynninguna ásamt námsráðgjöfum í FB og nýtur aðstoðar eldri nemenda frá málsvæðum þeirra sem koma á kynninguna.
Nemendur koma í heimsókn ásamt forráðamönnum/umsjónarkennara:
Nemendur fá innritunareyðublað ásamt öðrum upplýsingum um skólann eins og brautarlýsingum og reglum. Túlkur er fenginn til að útskýra ef þurfa þykir.
Móttökuviðtal ásamt umsjónarmanni innflytjendabrautar og forráðamönnum nemandans: Nemendur eru aðstoðaðir við að fylla út innritunarblað, farið er yfir gögn frá grunnskóla og upplýsingar um bakgrunn nemandans. Einstaklingsnámskrárgerð er kynnt sem tekur mið af bakgrunni, málsvæði, tungumálafærni og námshæfni nemandans í samræmi við sterkar og veikar hliðar hans. Helstu starfsþættir, reglur, kennsluhættir og áfangakerfi skólans er kynnt auk námsstuðnings skólans sem felur í sér þjónustu náms- og starfsráðgjafa, stoðkennslu, mentorakerfi, túlkaþjónustu og foreldraviðtöl. Þá er vakin athygli á þjónustu í hverfinu og samstarfi við stofnanir utan skólans. Umsjónarkennari
