FB fær gjöf frá Reykjafelli og Eaton

Í tilefni af 70 ára afmæli Reykjafells og Eaton gaf fyrirtækið rafvirkjabraut FB nýjustu kynslóð af Easy E4 stýrieiningum — samtals 20 stykki — ásamt 30 stækkunareiningum til að auka notkunarmöguleika búnaðarins enn frekar. Stækkunareiningarnar skiptast jafnt í þrjá flokka, 10 af hverri gerð:

• Stafrænar einingar – fyrir einföld af/á merki
• Analog einingar – fyrir stiglaus merki, t.d. þrýsting eða hraða
• Hitanemaeiningar – fyrir tengingu og lestur hitaskynjara



Easy E4 er sveigjanleg og notendavæn lausn sem hentar vel í fjölbreytta sjálfvirkni, hvort sem um ræðir minni stýringar eða flóknari kerfi. Gjöfin endurspeglar áralangt og farsælt samstarf Fjölbrautaskólans í Breiðholti við Eaton og Reykjafell og styrkir enn frekar alla þjónustu og þær lausnir sem Eaton og Reykjafell geta boðið viðskiptavinum sínum.

Fjölbrautaskólinn í Breiðholti þakkar kærlega fyrir þessa veglegu gjöf Reykjafells og Eaton í tilefni afmælisins.