Margrét skipuð skólameistari FB

Inga Sæland, mennta- og barnamálaráðherra, skipaði í dag Margréti Jónsdóttur Njarðvík í embætti skólameistara Fjölbrautaskólans í Breiðholti til næstu fimm ára. Margrét er með MBA-gráðu í stjórnun og doktorsgráðu í spænsku máli og bókmenntum auk kennsluréttinda. Hún starfaði sem rektor í Háskólanum á Bifröst og hefur gegnt ýmsum störfum hjá Háskólanum í Reykjavík og Háskóla Íslands. Skipunin tekur gildi 1. ágúst næstkomandi. Margréti eru færðar bestu óskir um farsæld og gott gengi í starfi skólameistara.
Sjá nánar í frétt á vef Stjórnarráðs Íslands.