Rafræn ferilbók er skráning á námi nemanda á vinnustað. Nemandi hakar við einstaka þætti ferilbókar þegar hæfni er náð, auk iðnmeistara/tilsjónarmanns fyrirtækis sem er með nemann. Umsjónarmaður skóla staðfestir hæfni í lokin.

Ferilbók er því gott tæki fyrir nemann/meistarann/fyrirtækið og skólann til að fylgjast með námsframvindunni. Hér er hægt að sjá ferilbækur einstakra greina.

Almenna reglan er sú að nemendur sækja sjálfir um vinnustaðanám hjá þeim iðnmeisturum/​fyrirtækjum/​stofnunum sem mega taka nema í vinnustaðanám. Þannig hefur nemandinn áhrif á hvar hann tekur vinnustaðanámið. Hér er birtingaskrá sem er listi yfir þá sem mega taka nema á samning.

Þá er næsta skref að sækja um á heimasíðu Fjölbrautaskólans í Breiðholti ef samningur á strax að taka gildi. Þegar umsókn hefur verið samþykkt er opnuð rafræn ferilbók, samningur gerður rafrænt og sendur til undirritunar á nemann, meistarann og fulltrúa skólans.

Hæfni nemanda ræður tímalengd vinnustaðanáms. Hæfni nemanda er metin samkvæmt hæfnikröfum starfsins og hæfniþáttum í rafrænni ferilbók. Vinnustaðanám getur því verið mismunandi langt á milli einstakra nemenda. Vinnustaðanám getur þó aldrei orðið lengra en kemur fram í brautarlýsingu viðkomandi greinar.

Það er hægt ef fyrirtækið/​meistarinn sem tekur nemann samþykkir slíkt.