Í tilefni 40 ára afmælis skólans hefur liðin vika einkennst af gleði við undirbúning afmælishátíðarinnar.
Á fimmtudaginn var afmæliskaka fyrir alla í skólanum.
Í gær komu Ólafur Ragnar Grímsson forseti Íslands og Dorrit Moussaief forsetafrú í heimsókn í skólann og dvöldu lengi í skólanum. Þau ræddu við nemendur og starfsmenn og Ólafur ræddi við nemendur um gildi forvarna. Þau gengu síðan um skólann og heimsóttu ýmsar deildir.
Í dag, laugardag, var síðan opið hús í skólanum og afmælishátíð. Á afmælishátíðinni voru meðal annars flutt ávörp og tónleikar. Ávörp fluttu Guðrún Hrefna Guðmundsdóttir skólameistari, Eygló Harðardóttir húsnæðis- og félagsmálaráðherra, Dagur B Eggertsson borgarstjóri, Ásta Magnúsdóttir ráðuneytisstjóri í mennta- og menningarmálaráðuneytinu og Hjalti Jón Sveinsson skólameistari.
Gríðarlegt fjölmenni var í skólanum og var dagurinn stórskemmtilegur. Margir mættu aftur í skólann nokkrum árum eða áratugum eftir að þeir höfðu verið þar.