Velkomin á starfsbraut
Að hefja nám á starfsbraut
Tölvupóstur
Það er mikilvægt fyrir nemendur og kennara að fylgjast vel með tölvupóstinum sínum. Þangað eru sendar mikilvægar upplýsingar sem varða nemendur og námið við skólann.
Mikilvægt er að láta vita um allar breytingar á tölvupósti nemenda og foreldra/forráðarmanna á netfangið starfsbraut@gmail.com
Morgunviðvera
Á starfsbraut er gæsla frá kl. 8:15-8:30 og eru nemendur hvattir til að mæta ekki fyrir þann tíma. Kennarar hafa eftirlit með gæslu í frímínútum og í hádeginu. Reynt er að fá nemendur til að fylgja þeim sem þurfa aðstoð í matsalinn á þessum tímum.
Skóladagatal
Allar helstu dagsetningar skólaársins má finna á forsíðu vefs skólans, www.fb.is, undir liðnum skóladagatal.
Stundatöflur og bókalistar
Hægt verður að sækja stundatöflur í upplýsingakerfi skólans (www.inna.is). Við hvetjum nemendur til að hafa töflurnar í símunum sínum en þau sem vilja geta fengið útprentuð eintök.
Bókalistar fylgja með töflum þeirra sem eru í almennum áföngum og einstaka áföngum á starfsbraut.
Helstu dagsetningar
Stundatöflur og bókalistar
Stundatöflur og bókalistar eru aðgengileg í Innu upplýsingarkerfi skólans www.inna.is.
Kennslukerfin
FB notar kennslukerfið Innu. Kennarar veita nemendum upplýsingar um þessi kerfi í upphafi annar.
Morgunviðvera
Á starfsbraut er gæsla er frá kl. 8:15 – 8:30 og eru nemendur hvattir til að mæta ekki fyrir þann tíma. Kennarar hafa eftirlit með gæslu í frímínútum og í hádeginu. Reynt er að fá nemendur til að fylgja þeim sem þurfa aðstoð í matsalinn á þessum tímum.
Fyrsta önnin
Kennslukerfin
FB notar kennslukerfið Innu. Inna er einnig nemendabókhald skólans og þar geta nemendur sótt stundatöfluna sína, fengið upplýsingar um mætingar, einkunnir og námsframvindu.
Kennarar starfsbrautar veita nemendum allar upplýsingar um þessi kerfi og notkun þeirra í upphafi skólaársins.
Skráning og/eða úrsögn úr áföngum
Nýnemar í grunnnámi eru skráðir sjálfkrafa í áfanga fyrstu önnina. Einstaka nemendur eiga þess kost að byrja á því að fara í almenna áfanga. Á annarri önn fá nemendur tækifæri til að velja úr fjölmörgum valáföngum starfsbrautar með aðstoð kennara.
Skráning og úrsögn úr áföngum er einungis leyfð fyrstu kennsluvikuna.
Þjónusta og upplýsingar
Umsjónakennarar
Allir nemendur starfsbrautar fá umsjónarkennara sem þeir geta leitað til. Umsjónarkennarar fylgjast vel með námsframvindu og líðan nemenda í skólanum.
Náms- og starfsráðgjafar
Náms- og starfsráðgjafar eru með skrifstofur gengt skrifstofum skólans.
Skrifstofa skólans
Starfsfólk á skrifstofu skólans á 1. hæð er ávallt reiðubúið að aðstoða nemendur og foreldra. Símanúmer skólans er 570 5600.
Skólagjöld
Skólagjöld eru innheimt með greiðsluseðli sem fer inn á heimabankann og tilkynning um að greiðsluseðillinn sé kominn inn á heimabanka er send í tölvupósti. Greiðsla á skólagjöldum er staðfesting á skólavist. Ef ekkert tölvupóstfang er skráð hjá nemanda þá berst greiðsluseðill á pappírsformi í pósti á skráð heimilisfang viðkomandi.
Skólabyggingin
Skólinn opnar alla virka daga kl. 7:50
Tölvu- og tæknimál
Kerfisstjóri FB hefur umsjón með rekstri og viðhaldi á öllum tölvubúnaði skólans. Lendi nemendur starfsbrautar í vandræðum með tölvubúnað er best að byrja á því að hafa samband við kennara brautarinnar.
Snjallsímar
Snjallsímar eru eftir megni nýttir í kennslu á starfsbraut og áhersla lögð á að nemendur sýni ábyrgð við notkun þeirra. Mikilvægt er að símanotkun nemenda trufli ekki kennslu.
Spjaldtölvur á starfsbraut
Starfsbraut notar iPad spjaldölvur sem eru nýttar á fjölbreyttan hátt í kennslu. Nemendum er heimilt að koma með eigin spjaldtölvur til að nota í náminu.
Þráðlaust net (wi-fi)
Nemendur tengjast netinu sem heitir FB-nemendur. Þráðlausa netið er opið og það þarf ekki sérstakt lykilorð til að tengjast því.
Tölvupóstföng
Gert er ráð fyrir að nemendur noti sín eigin tölvupóstföng. Sérstaklega er mælt með gmail póstinum.
Ýmsar upplýsingar og þjónusta
Heimasíða skólans
Allar helstu upplýsingar um skólann, námið, félagslífið og þjónustu má finna á www.fb.is og á samfélagsmiðlum skólans.
Umsjónarkennarar
Nemendur á fyrsta ári hafa umsjónarkennara sem leiðbeinir þeim, fylgist með námsástundun þeirra, mætingum og árangri. Hann boðar nemandann og forráðamenn til viðtals við upphaf skólagöngunnar og oftar á fyrsta árinu ef þurfa þykir.
Skrifstofa
Skrifstofa skólans er á 1. hæð við gamla innganginn við Austurberg. Skrifstofan er opin alla daga frá kl. 8:00-15:00. Símanúmer skólans er 570 5600. Sjá nánar https://www.fb.is/skrifstofa/
Skólagjöld
Skólagjöld eru innheimt með greiðsluseðli sem fer í heimabankann. Greiðsla á skólagjöldum er staðfesting á skólavist. Efniskostnaður bætist við einstaka brautir.
Náms- og starfsráðgjafar
Náms- og starfsráðgjafar eru með skrifstofur gengt skrifstofum skólans við gamla innganginn við Austurberg. Sjá nánar https://www.fb.is/thjonusta/nams-og-starfsradgjof/
Bókasafn
Bókasafnið er á 2. hæð. Þar er einnig vinnustofa þar sem nemendur geta fengið námsaðstoð. Nemendur hafa 50 blaða prentkvóta á önn og hafa aðgang að tölvum og prentara á bókasafninu. Sjá nánar https://www.fb.is/thjonusta/vinnustofa-og-bokasafn/
Matsalur nemenda – Hungurheimar
Þar er hægt að kaupa heitan mat í hádeginu eða borða nestið sitt. Skólinn býður nemendum ókeypis hafragraut á morgnana.
Nemendafélagið NFB
NFB er hagsmunafélag nemenda FB. Sjá nánari upplýsingar um nemendafélagið hér.