Senn lýkur þessari vorönn og er því tilhlýðilegt að minna á nokkra hluti.
Aukapróf/sjúkrapróf verða miðvikudaginn 18. maí á próftíma dagskólaprófanna.
Nauðsynlegt er að tilkynna um þátttöku í þessum prófum á skrifstofu skólans.
Án vitneskju um forföll nemenda eru ekki búin til aukapróf.
Seinni part sunnudaginn 22. maí verða einkunnir aðgengilegar í Innu.
Nemendur geta síðan skoðað prófúrlausnir sínar hjá kennurum mánudaginn 23. maí kl. 12-13, athugið breyttan tíma.
Kvöldskólanemendur geta skoðað sín próf kl. 18-19 mánudaginn 23. maí.
Á þriðjudagskvöldinu 24. maí kl. 18 verður æfing í Hörpu vegna útskriftarathafnarinnar og verða öll útskriftarefni að mæta.
Miðvikudaginn 25. maí kl. 14 verða skólaslitin í Silfurbergi Hörpu.