Sigurvegari í jólakortasamkeppni FB árið 2021 er Katrín Björg Hjálmarsdóttir, nemandi á myndlistarbraut. Málverkið verður stafræn jólakveðja skólans til starfsfólks og velunnara skólans í ár. Við óskum Katrínu Björgu innilega til hamingju með jólakortið. Góð þátttaka var í keppninni og bárust alls 37 tillögur  sem dómnefnd valdi úr. Í dómnefnd eru Guðrún Hrefna Guðmundsdóttir, skólameistari, Sigríður Ólafsdóttir, sviðsstjóri listnáms, Harpa Dögg Kjartansdóttir, myndlistarkennari og Guðrún H. Sigurðardóttir myndlistarkennari. Verðlaunin eru 40.000 krónur og verða þau afhent við útskrift skólans í Silfurbergi Hörpu þann 17. desember. Við þökkum öllum sem tóku þátt kærlega fyrir þátttökuna.