Þú ert hér:Home|Tölvur og nettækni

TNT 4036

Í þessum áfanga er lögð áhersla á reiknirásir, kóðabreyta, vippur, teljara og hliðrunarregistur, ásamt bilanaleit með mælitækjum og með hjálp hermiforrita. Fjallað er um örtölvuna, hvers kyns minnisrásir og hvernig gögnin eru meðhöndluð í minnunum. Nemendur tengja og prófa rásirnar á sérhæfðum tengispjöldum fyrir rökrásir ásamt því að teikna rásirnar og prófa virkni þeirra í hermiforriti, t.d. Multisim. Þeir fá kynningu á örgjörvanum, uppbyggingu hans og stjórnun með véla- og/eða smalamáli, og kynnast því hvernig hann tengist minni og inn- og útgöngum með vistfangs-, ganga- og stýribrautum. Áhersla er lögð á verkefnavinnu, og verklegar æfingar þar sem verkefnið er brotið til mergjar, rökrásir tengdar, prófaðar og mældar og teknar saman niðurstöður. Í þessum verkefnum er lögð áhersla á prófanir í hermiforriti og nýtingu mælitækja til að finna tengivillur og bilanir.

2014-04-10T15:05:45+00:0010. apríl 2014|

TNT 3036

Í þessum áfanga kynnast nemendur staðarnetkerfi, LAN, helstu stöðlum, lögnum og helstu tækjum. OSI-líkanið er kynnt og hlutverk tveggja neðstu laga þess kennd, þ.e. bitaflutningslags (physical) og nærnetslags (datalink). Farið er í bandbreidd og tíðniróf og flutning stafrænna gagna, hvort sem er með rafstraumi eða ljósi. Einnig er fjallað um deyfingu og viðnám í leiðurum. Nemendur fá þjálfun í að leggja parsnúnar kapallagnir (TP). Ennfremur fá þeir kynningu á ljósleiðara og öðlast færni í tengingum og frágangi tækja í lagnaskáp. Þá er farið í uppsetningu útstöðvar, bilanaleit og almennt viðhald og mælingar gerðar á netkerfum. Fuppbyggingu og hlutverk MAC-vistfangs og IP-vistfangs.

2014-04-10T14:51:36+00:0010.