Þú ert hér:Home|Rafvélar

RRV 4024

Í áfanganum er farið yfir uppbyggingu og virkni þrífasaspenna ásamt varnarbúnaði þeirra, gerðar allar algengustu tengingar á þrífasaspennum með viðeigandi mælingum og útreikningum og teiknaðar tengimyndir af viðkomandi tengingum. Gerð er grein fyrir olíukældum spennum og varnarbúnaði þeirra. Fjallað um vara- og neyðarafl frá sjálfstæðum rafstöðvum. Einnig er farið í niðursetningu og frágang dísilrafstöðva, öryggishlífar og aðrar snertivarnir fyrir rafbúnað og vélrænan búnað. Æfð er meðferð og notkun verkfæra og mælitækja sem notuð eru við niðursetningu á vélum. Gerð er grein fyrir ræsi-og stjórnbúnaði dísilvéla, smurþörf og smurkerfum. Gerð er grein fyrir samfösun og samkeyrslu samfasarafala. Kynnt er raforkuframleiðsla með vatnsafli, gufuafli, vindafli, sólarorku og efnarafölum. Kynnt er fyrirbyggjandi viðhald véla og tækja.

2014-04-04T15:17:40+00:004. apríl 2014|

RRV 3024

Áfangalýsing Farið er yfir uppbyggingu og virkni þrífasa spenna ásamt varnarbúnaði þeirra. Tengdar eru allar algengustu tengingar á þrífasa spennum, gerðar eru mælingar og útreikningar á málgildum, teiknaðar tengimyndir af viðkomandi tengingum. Farið er yfir uppbyggingu og virkni þrífasa hreyfla ásamt ræsi- og varnarbúnaði þeirra. Gerðar eru ræsi- og álagstilraunir á spanhreyflum með handvirkum, segulliða og rafeindastýrðum ræsibúnaði, teiknaðar tengimyndir, gröf og kennigildi af viðeigandi mælingum og útreikningum. Gerð er grein fyrir þeim hreyfilgerðum er koma fyrir sem aflvélar í kælivélum, lyftum, dælum og öðrum vélbúnaði sem notaður er í iðju og iðnaði, bilanagreiningu og fyrirbyggjandi viðhald véla og tækja. Farið er í leiðréttingu á fasviki. Kynnt er raforkuframleiðsla með vindafli, sólarorku og vetni sem orkumiðlum. Fjallað er um frágang og öryggisreglur við niðursetningu véla og slysahættu sem fylgja vinnu við rafbúnað og vélrænan búnað. Æfð er meðferð og notkun mælitækja. Gerð er grein fyrir þýðingu merkiskilta á vélum og tækjum. Kynntir eru þeir staðlar [...]