Í áfanganum læra nemendur verklag við fótsnyrtingu. Þeir læra um bein og vöðva fótleggja og fóta. Tekin eru fyrir séreinkenni húðar á fótum og tánöglum. Kennt er að setja upp og undirbúa vinnu­aðstöðu og taka á móti viðskiptavinum. Áhersla er lögð á grunnþætti fótsnyrtingar þ.e. naglaþjölun og bónun, hreinsun naglabanda og siggs ásamt fótanuddi og [...]

Í áfanganum er farið í nánari greiningu fóta og tánagla og þekking nemandans á fótsnyrtingu dýpkuð. Áhersla er lögð á húð- og naglavandamál, ráðleggingar og meðferð þeim tengdri ásamt efnis- og vörunotkun. Nemendur öðlast viðbótarþjálfun í verklegri fótsnyrtingu.