Tuttugu nemendur úr 9. og 10. bekk Fellaskóla, Breiðholtsskóla, Hólabrekkuskóla, Seljaskóla og Ölduselsskóla tóku þátt í frumkvöðlabúðum/nýsköpunardegi í FB á föstudaginn var. Heimsmarkmið Sameinuðu Þjóðanna fátækt – hungur – menntun – heilsa voru þema dagsins og stóðu nemendur sig sérlega vel, luku við hugmyndavinnu og kynntu verk sín af öryggi. Veitt voru verðlaun fyrir besta verkefnið. Unnið var í Fablab og þar leiðbeindu þau Hannes Óttósson frá Nýsköpunarmiðstöð, Soffía Margrét Magnúsdóttir fablabkennari og Sigríður Ólafsdóttir fata- og textíl kennari. Umsjón hafði Ágústa Unnur Gunnarsdóttir kynningarstjóri og var verkefnið styrkt af Sprotasjóði.