fjolbrautb

Skákmót FB

Wed, 29 Apr 2026 13:47:08 GMT

Páll Ísak er skákmeistari FB

Skákmót FB fór fram í dag en öflugur hópur nemenda hefur teflt reglulega í vetur. Páll Ísak stóð uppi sem skákmeistari FB, Oleksiy var í öðru sæti og Ismael í því þriðja. Til hamingju strákar!

Fréttir og myndir af framkvæmdum

Tue, 21 Apr 2026 08:50:22 GMT

Ný verknámsaðstaða rís við Hraunberg

Gaman er að fylgjast með byggingu nýrrar verknámsaðstöðu við FB, húsin eru heldur betur farin að taka á sig mynd að utan sem innan en í húsunum verður aðstaða fyrir rafvirkjabraut, húsasmiðabraut og myndlistarbraut. Í öðru af nýju húsunum verða ellefu 70 fermetra kennslustofur fyrir bóklegar og verklegar greinar auk mötuneytis nemenda. Í hinu húsinu verður listasmiðja fyrir myndlistarbraut ásamt gluggasmiðju og verkstæðisaðstöðu fyrir húsasmíðanema en hluti af þeirra námi hefur hingað til farið fram utandyra, auk þess verður salur fyrir verklega rafvirkjun, fyrirlestrarsalur og salernis- og sturtuaðstaða.

Áætlað er að húsin verði afhent í nóvember 2026 og kennsla hefjist í janúar 2027 en í sumar klárast lóðafrágangur, hjólaskýli o.fl. utandyra. Endurbótum á gömlu smiðjunni er lokið að utanverðu og verður hún tekin í gegn innandyra að ári. Meðfylgjandi myndir voru teknar á dögunum þegar fagstjórar húsasmiða-, myndlistar- og rafvirkjabrautar sýndu starfsfólki nemendaþjónustu FB nýju smiðjurnar.

Kennsla fellur niður

Wed, 25 Mar 2026 18:45:48 GMT

Kennsla fellur niður vegna veðurs

Kæru nemendur. Kennsla fellur niður í dagskóla á morgun, fimmtudaginn 26. mars, vegna veðurs. Stefnt er að því kennsla geti orðið í kvöldskólanum ef veður leyfir. Sjá nánari upplýsingar í tölvupósti frá skólastjórnendum.

FB-ingar á faraldsfæti

Fri, 20 Mar 2026 12:39:39 GMT

Blómlegt alþjóðasamstarf í FB

Erlent samstarf hefur lengi verið öflugt í FB og skólaárið í ár er engin undantekning á því. Á síðustu tveimur vikum hafa nokkrir hópar farið utan í námsferðir og samstarfsverkefni.

14 nemendur af íþróttabraut fóru í námsferð til Tenerife þar sem þau fóru m.a. á æfingu í kanarískri glímu, fengu brimbrettakennslu hjá færustu brimbrettaþjálfurum eyjunnar og heimsóttu skóla á eyjunni þar sem þau spreyttu sig á ýmsum gömlum þjóðaríþróttum. Ferðin var styrkt af Erasmus+.
Nemendur af fata- og textílbraut fóru til Porto þar sem þau heimsóttu fatahönnunarskólann Escola de moda, fóru á listasafn og efnavöruhús og fleira spennandi sem gaf þeim hugmyndir fyrir lokasýningu þeirra frá brautinni. Ferðin var styrkt af Erasmus+.
Sjö nemendur af snyrtibraut tóku þátt í Erasmusverkefni í Aþenu í Grikklandi sem fólst í keppni í ýmsum greinum snyrtifræðinnar auk þess að kynnast menningu og þjóð. Verkefnið er samstarfsverkefni Íslands, Ítalíu, Hollands og Grikklands.
Starfsbraut fór í afar vel heppnaða náms- og útskriftarferð til Tenerife sem var styrkt af Erasmus+. Hópurinn heimsótti m.a. framhaldsskóla á eyjunni þar sem þau kynntust námi og menningu eyjaskeggja og svo voru vel valdir túristastaðir heimsóttir.
Síðast en ekki síst fóru 15 nemendur af ýmsum brautum til Óðinsvéa í Danmörku þar sem þau heimsóttu danska nemendur sem komu hingað í FB sl. haust. Þau eru öll þátttakendur í Nordplusverkefninu The future of farming, health and living conditions of people in Iceland and Denmark . Hópurinn hlustaði á fyrirlestra sem tengjast hlýnun jarðar, vann verkefni og tilraunir og fór í áhugaverðar skoðunarferðir.

Ferðirnar heppnuðust vel í alla staði og nemendurnir voru sjálfum sér og skólanum til sóma. Fleiri myndir frá ferðunum eru á instagram skólans. Hér má lesa nánar um erlent samstarf í FB.

Húfumátun fyrir útskriftarnema

Fri, 06 Mar 2026 09:24:54 GMT

Útskriftarnemar vor 2026

EYFELD verður með húfumátun í hádeginu þriðjudaginn 10. mars.
FORMAL verður með húfumátun í hádeginu þriðjudaginn 17. mars.

Mátunin er á pallinum fyrir ofan matsalinn.

Skráning á Sæludaga er hafin

Thu, 05 Mar 2026 15:17:38 GMT

Sæludagar eru 11. og 12. mars

Skráning á Sæludaga er hafin og stendur yfir 5.-8. mars. Hægt er að skrá sig í mesta lagi á fjóra viðburði.

Fyrir hvern viðburð sem nemandi mætir á losnar hann við fjarvistarstig, reglurnar um frádrátt fjarvistarstiga eru eftirfarandi:

Hægt er að fá að hámarki fjögur stig í einum áfanga og að hámarki í fjórum áföngum.

16 stig: 4 áfangar, 4 stig í hverjum
12 stig: 3 áfangar, 4 stig í hverjum
8 stig: 2 áfangar, 4 stig í hvorum
4 stig: 1 áfangi

Elín Birna leiðir Fab Lab Reykjavík

Mon, 02 Mar 2026 13:48:20 GMT

Elín Birna Gunnarsdóttir. Myndataka: Silla Páls

Nýr verkefnastjóri í Fab Lab Reykjavík

Elín Birna Gunnarsdóttir hefur tekið við starfi verkefnastjóra Fab Lab Reykjavíkur. Hún mun stýra daglegum rekstri smiðjunnar og leiða þverfaglegt teymi hennar. Ráðningin er liður í því að efla hlutverk smiðjunnar í íslensku nýsköpunarumhverfi, með áherslu á þróun frumgerða á fyrstu stigum og áframhaldandi uppbyggingu STEM-menntunar.

Elín Birna er með meistaragráðu í vélaverkfræði með áherslu á vöruþróun frá Chalmers University of Technology. Hún býr yfir víðtækri reynslu á þróun nýsköpunarlausna sérstaklega á sviði heilbrigðistækni, síðast hjá Nox Medical þar sem hún vann að þróun tækja fyrir svefnrannsóknir. Þar tók hún meðal annars þátt í þróun og prófunum á frumgerðum, útgáfu hönnunar- og þróunargagna og uppfærslu á notendaprófanaferlum í samræmi við leiðbeiningar FDA. Áður starfaði Elín Birna hjá Oticon Medical í Svíþjóð við þróun heyrnartækja sem fest eru í bein og hjá Dentsply Sirona Implants við hönnun og þróun tannskrúfa. Hún hefur einnig starfað hjá Volvo Powertrain þar sem hún vann að CAD‑hönnun á olíu- og kælikerfum.

„Það er einstakt að starfa á vettvangi þar sem hugmyndir fá að taka á sig mynd og verða að raunverulegum lausnum,“ segir Elín Birna. „Fab Lab Reykjavík gegnir mikilvægu hlutverki í að kveikja áhuga á tækni, gera tæknina aðgengilega og styðja við fyrstu skref nýsköpunar.”

„Við erum afar ánægð að fá Elínu til liðs við Fab Lab Reykjavík,“ segir Þóra Óskarsdóttir, sviðstjóri nýsköpunar hjá FB. „Það er ofsalega spennandi að fá svona reynslubolta í smiðjuna og styrkir okkur verulega í að móta starfsemi smiðjunnar til framtíðar.“

Fab Lab smiðjurnar eru meðal lykilinnviða nýsköpunar á Íslandi og starfa eftir alþjóðlegum gæðaviðmiðum Fab Foundation. Fab Lab Reykjavík hefur á undanförnum árum stutt tugi nýsköpunarverkefna og gegnir mikilvægu hlutverki í þróun frumgerða. Smiðjan er samstarfsverkefni Fjölbrautaskólans í Breiðholti, Reykjavíkurborgar, Mennta-, og barnamálaráðuneytis og Menningar-, nýsköpunar- og háskólaráðuneytis.

Ljósmyndari: Silla Páls

Námsmatsdagur, vetrarfrí og starfsþróunardagur

Wed, 18 Feb 2026 14:00:46 GMT

Framundan í skóladagatali

Fimmtudaginn 19. febrúar er námsmatsdagur, þá geta nemendur verið kallaðir inn vegna prófa eða annars námsmats og hafa þá fengið upplýsingar um það frá sínum kennurum. Föstudaginn 20. febrúar er vetrarfrí og þá er skólinn lokaður. Föstudaginn 27. febrúar er svo starfsþróunardagur starfsfólks og það er engin kennsla í skólanum þann dag.

Fréttatilkynning

Tue, 17 Feb 2026 13:55:52 GMT

FB hlýtur styrk frá Mennta- og barnamálaráðuneytinu

Fjölbrautaskólinn í Breiðholti hefur hlotið styrk frá Mennta- og barnamálaráðuneytinu til að fullvinna námsefni fyrir nemendur í íslensku sem öðru máli á kunnáttustigi A2-B2 evrópska tungumálarammans (ETM). Námsefnið byggir á skipulegan hátt upp námsorðaforða sem byggir brú yfir í annað nám og veitir þannig nemendum tækifæri til inngildandi náms í íslensku.

Stærsta áskorun nemenda af erlendum uppruna í námi er vöntun á akademískum orðaforða og skortur á tækifærum til þess að beita honum. Námsefnið byggir á orðaforðalistum eins og, „Listi yfir 1000 algengustu orðin í íslensku“, „Orðaforðalistinn“ (a og b hluti), „LÍNO 2“ eða „íslenskur námsorðaforði“. Með markvissri uppbyggingu orðaforðans öðlast nemendur sífellt dýpri skilning á orðfæri skólabókanna. Breiður grunnur eykur líkur á jöfnum námstækifærum fyrir alla nemendur óháð uppruna sem og tækifærum til þess að taka virkan þátt í íslensku samfélagi.

Afrakstur verkefnisins „ÍSAN til inngildingar" verður heildstætt námsefni til notkunar við kennslu átta áfanga í íslensku sem öðru máli á framhaldsskólastigi þar sem allir fjórir færniþættir tungumálsins eru þjálfaðir. Efnið er unnið af fjórum reyndum kennurum í FB sem hafa markvisst verið að byggja upp efni og reynslu undanfarin ár. Styrkurinn gerir þeim kleift að fullvinna efnið og undirbúa það fyrir notkun víðar.

Menntaskólinn á Ísafirði hefur tekið að sér að prufukenna hluta efnisins á vorönn 2026. Mikilvægt er að fá sjónarhorn minni skóla þar sem mikið reynir á gæði efnisins til einstaklingsmiðaðrar kennslu. Sigríður Ólafsdóttir dósent á Menntavísindasviði Háskóla Íslands mun taka þátt í mati á afrakstri og áhrifum verkefnisins.

Guðbjörg R. Þórisdóttir, Sigurgrímur Skúlason og Auðun Valborgarson. (e.d.). Sjónrænn orðaforði. Gerð 1000 orða listans. Læsisvefurinn. https://laesisvefurinn.is/wp-content/uploads/2020/06/1000_alg_ord_2020_endursk.pdf
Elsa Pálsdóttir. (2027). Orðaforðalisti án aldursviðmiða. Menntamálastofnun. Ordalisti.indd
Auður Pálsdóttir og Sigríður Ólafsdóttir. (2023). Íslenskur námsorðaforði. Netla – Veftímarit um uppeldi og menntun. https://netla.hi.is/greinar/2023/alm/09.pdf

Rán sigurvegari söngvakeppninnar

Fri, 30 Jan 2026 13:40:50 GMT

Söngvakeppni FB fór fram í gær

Söngvakeppni FB fór fram í gær, fimmtudaginn 29. janúar, og það var Rán sem bar sigur úr býtum með laginu It's Oh So Quiet. Dómnefndin var skipuð af Andreu Jónsdóttur útvarpskonu, Iveta Licha enskukennara í FB og Jóhanni Gunnari Kristjánssyni formanni Sultunnar, tónlistarnefndar FB. Við óskum Rán innilega til hamingju með sigurinn og hlökkum til að fylgjast með Söngvakeppni framhaldsskólanna sem fer fram 11. apríl í Háskólabíó.

Innritun í dagskóla

Tue, 20 Jan 2026 10:10:49 GMT

Innritun fyrir haust 2026

Dagsetningar fyrir innritun í dagskóla haustið 2026 eru eftirfarandi:

Starfsbraut : 1. - 28. febrúar
Almennar umsóknir : 13. mars - 26. maí
Nýnemar : 24. apríl - 10. júní

Sótt er um nám í skólanum rafrænt, á island.is .

Nánari upplýsingar um innritun og inntökuskilyrði má lesa hér.

Söngvakeppni FB

Tue, 13 Jan 2026 11:32:29 GMT

Keppnin fer fram 29. janúar n.k.

Söngvakeppni FB fer fram fimmtudaginn 29. janúar n.k. Sigurvegari keppninnar verður fulltrúi FB í söngvakeppni framhaldsskólanna en sú keppni fer fram í Háskólabíó 11. apríl. Skráið ykkur hér í söngvakeppni FB!

Undirbúningsfundur í Turku: Nordplus verkefni

Wed, 07 Jan 2026 11:14:00 GMT

Nordic-Eco-Stitches

Fulltrúi frá Fjölbrautaskólanum í Breiðholti sótti nýlega undirbúningsfund í Turku í Finnlandi fyrir spennandi Nordplus verkefnið Nordic-Eco-Stitches (verkefnisnúmer: NPJR-2025-Autumn/10005).

Tilgangur fundarins var að skipuleggja verkefnið í heild sinni, móta tímaáætlun og starfsemi, og ekki síst að kynnast samstarfsaðilunum okkar. Þetta verður frábært tækifæri fyrir nemendur okkar til að taka þátt í norrænu samstarfi á sviði sjálfbærrar tísku og handverks.

Með okkur í verkefninu eru: Rokiskis Vocational Training Center í Litháen, Spesia Vocational College í Finnland og Hjerleid Handverksskole í Noregi.

Við hlökkum til að koma þessu verkefni í framkvæmd og skapa áhugaverð náms- og menningartækifæri fyrir nemendur okkar og kennara!

Opnunartími skrifstofu og upphaf vorannar

Tue, 23 Dec 2025 13:17:34 GMT

Kennsla hefst 6. janúar

22. desember: Skólinn lokar kl. 12 vegna útskriftar

23. desember: Lokað

24. desember: Lokað

29. desember: Skrifstofan er opin frá kl. 10:00-13:00

30. desember: Skrifstofan er opin frá kl. 10:00-13:00

31. desember: Lokað

2. janúar: Skrifstofan er opin 10:00-13:00

5. janúar: Töfluviðtöl/-breytingar í stofu 204 kl. 8:30-16:00

6. janúar: Kennsla hefst skv. stundaskrá

Útskriftarhátíð FB

Mon, 22 Dec 2025 19:33:16 GMT

143 nemendur útskrifaðir við hátíðlega athöfn

Í dag útskrifuðust 143 nemendur frá FB við hátíðlega athöfn í Eldborg Hörpu, þar af útskrifuðust 18 með tvö skírteini. 43 nemendur luku prófi af húsasmiðabraut, 21 af rafvirkjabraut, 36 sjúkraliðar útskrifuðust og 8 snyrtifræðingar. Nemendur sem luku stúdentsprófi voru 53.

Guðrún Hrefna Guðmundsdóttir skólameistari stýrði athöfninni og Víðir Stefánsson aðstoðarskólameistari flutti yfirlitsávarp. Þau Lovísa Margrét Eðvarðsdóttir og Tristan Þór Traustason fluttu ræður útskrifaðra, Lovísa Margrét söng jafnframt við undirleik Pálma Sigurhjartarsonar en auk hans lék Elvar Bragi Kristjónsson á trompet við athöfnina.

Hauki Pétri Benediktssyni stærðfræðikennara var þakkað fyrir vel unnin störf en hann lætur nú af störfum sökum aldurs. Fríða Rós Ásgeirsdóttir var dúx skólans með einkunnina 8,99 og hún hlaut einnig viðurkenningu frá Soroptomistaklúbbi Hóla og Fella sem og viðurkenningu fyrir góðan árangur í námi á sjúkraliðabraut. Lovísa Margrét Eðvarðsdóttir hlaut viðurkenningu frá Rótaryklúbbi Breiðholts auk viðurkenningar frá skólanum fyrir framlag til skólasamfélagsins. Fleiri nemendur hlutu verðlaun og viðurkenningar fyrir góðan námsárangur sem má lesa um hér að neðan.

Feiri myndir birtast á næstu dögum á heimasíðu skólans.

Innilega til hamingju með áfangann öll sem eitt!

Verðlaun í einstökum greinum voru sem hér segir:

Danska : Ingólfur Breki Arnaldsson, rafvirkjabraut og Stúdentspróf að loknu starfsnámi

Enska : Christelle Guðrún Skúladóttir, opin braut

Íslenskuverðlaun Kristínar Arnalds: Christelle Guðrún Skúladóttir, opin braut

Lokaritgerð til stúdentsprófs : Christelle Guðrún Skúladóttir, opin braut

Íþróttagreinar : Gísli Alexander Ágústsson, íþróttabraut

Myndlistargreinar : Kristjana Íva Gautadóttir, myndlistarbraut

Myndlistargreinar : Lilja Benediktsdóttir, myndlistarbraut

Spænska: Adam Gapinski, tölvubraut

Tölvugreinar : Adam Gapinski, tölvubraut

Stærðfræði : Salim H. S. Albayyouk, opin braut

Húsasmiðabraut : Dóra Ingibjörg Magnúsdóttir , húsasmiðabraut

Rafvirkjabraut : Birkir Snær Árnason, rafvirkjabraut

Sjúkraliðabraut : Fríða Rós Ásgeirsdóttir, sjúkraliðabraut

Snyrtibraut : Urður Mist Þórhildardóttir, snyrtibraut

Stúdentspróf - Verðlaun fyrir bestan árangur: Fríða Rós Ásgeirsdóttir, Sjúkraliðabraut og Stúdentsbraut að loknu starfsnámi. Einkunn á stúdentsprófi: 8,99.

Frá Soroptimistaklúbbi Hóla og Fella : Fríða Rós Ásgeirsdóttir, Sjúkraliðabraut og Stúdentsbraut að loknu

Frá Rótaryklúbbi Breiðholts : Lovísa Margrét Eðvarðsdóttir, Myndlistarbraut

Þakkir frá Fjölbrautaskólanum í Breiðholti fyrir lofsvert framlag til skólasamfélagsins á árabilinu 2022 til 2025 : Lovísa Margrét Eðvarðsdóttir, Myndlistarbraut

Jólakortasamkeppni FB 2025 : Emma Rose Noviczski

Úrslit í jólakortasamkeppni

Mon, 08 Dec 2025 15:00:24 GMT

18 tillögur bárust í jólakortasamkeppni FB

Þann 2. desember rann út skilafrestur hinnar árlegu jólakortasamkeppni FB. Alls bárust 18 tillögur að mynd á jólakortið.

Sigurvegari er Emma Rosa Noviczski, nemandi á opinni braut. Þetta er í annað sinn sem Emma sigrar í keppninni. Í öðru sæti var Sonia Laura

Krasko, nemandi á myndlistarbraut og í þriðja sæti var Ásgerður Erla Elínborgardóttir, nemandi á fata- og textílbraut.

Emma Rosa Noviczski mun taka við verðlaununum - að upphæð kr. 40 þúsund - við útskrift í Hörpu þann 22. desember næstkomandi. Athöfnin verður í Eldborg og hefst klukkan 14.

Dómnefnd skipuðu Harpa Dögg Kjartansdóttir myndlistarkennari, Kolbrún Sigurðardóttir fagstjóri listnáms og Guðrún Hrefna Guðmundsdóttir skólameistari FB.

Við þökkum öllum þeim sem tóku þátt í keppninni. Nemendur geta sótt myndir sínar á skrifstofu skólans.

Prófsýning og útskrift

Sat, 06 Dec 2025 09:00:47 GMT

Lok haustannar

Miðvikudaginn 17. desember kl. 12:00-13:00 gefst nemendum og forráðamönnum tækifæri til að koma í skólann og fara yfir prófúrlausnir og námsmat haustannar með kennara. Kennarar verða til viðtals í stofum, listar yfir hvar kennarar eru til viðtals hanga í anddyri skólans.

Verið velkomin!

Útskriftarhátíð FB fer fram í Eldborg, Hörpu mánudaginn 22. desember klukkan 14:00, salurinn opnar klukkan 13:30 og áætlað er að athöfnin taki um eina og hálfa klukkustund. Aðstandendur útskriftarefna eru hvattir til að mæta, það er nóg pláss fyrir gesti.

Fjölbraut í 50 ár – Saga Fjölbrautaskólans í Breiðholti 1975-2025

Fri, 05 Dec 2025 13:04:28 GMT

Bókin um sögu FB

Saga FB kom út í október sl. í tilefni af 50 ára afmæli skólans. Bókin fæst í verslunum Iðnú og Eymundsson.

Aftan á bókinni segir:

Fjölbrautaskólinn í Breiðholti (FB) var fyrsti fjölbrautaskóli landsins og markaði tómamót í íslenskri skóla- og menntasögu. Á ýmsu gekk fyrstu árin, þau einkenndust af miklum metnaði, fögrum fyrirheitum og stórum draumum en jafnframt margvíslegum erfiðleikum og átökum.

Í bókinni er viðburðarík saga FB í hálfa öld rakin í lifandi frásögn og sjónum beint að námi og kennslu, stjórnendum, kennurum og öðru starfsfólki, en ekki síst litríkum og afar fjölbreyttum nemendahópi sem alla tíð hefur sett mark sitt á skólabraginn.

Andri Þorvarðarson hefur starfað sem sögukennari við FB síðan 2015. Hann útskrifaðist með BA-próf í sagnfræði árið 2012 og MA-gráðu í sögukennslu árið 2014 frá Háskóla Íslands.

Nýbyggingar rísa við Hraunberg

Tue, 25 Nov 2025 09:08:05 GMT

Framkvæmdir við nýja smiðju ganga vel

Framkvæmdir vegna stækkunar verknámsaðstöðu við FB ganga vel. Í byggingu eru tvö ný smiðjuhús auk þess sem skipt var um þak, glugga og hurðir í gömlu smiðjunni. Búið er að loka öðru af nýju húsunum og er grindin af því seinna langt komin. Með nýbyggingunum mun verknámsaðstaða við FB meira en tvöfaldast en þar verður aðstaða fyrir húsasmíði, rafvirkjun og listgreinar og er áætlað að hefja þar kennslu í janúar 2027.

Roðagyllum heiminn

Mon, 24 Nov 2025 09:34:58 GMT

FB styður átak Soroptomista gegn ofbeldi

Þessa dagana, frá 25. nóvember til 10. desember, er skólinn lýstur upp í bleikum, appelsínugulum tónum. Þetta er liður í átaki sem kallast „Roðagyllum heiminn“ sem er átak helgað baráttu gegn ofbeldi gagnvart stúlkum, konum og kvár. Soroptimistar á Íslandi standa að átakinu ásamt fleiri kvennahreyfingum. Dropinn meitlar steininn en þetta er einn hlekkur í baráttunni gegn kynbundnu ofbeldi. Að þessu sinni er sjónum beint að stafrænu ofbeldi gegn stúlkum, konum og kvár. Skammdegið er tími til að staldra við, horfa til baka og íhuga hvernig við getum styrkt nærsamfélagið og heiminn allan. Það er einnig tími til að spyrja okkur hvernig við getum lagt okkar af mörkum til að skapa betri framtíð.

Niðurstöður skólafundar

Tue, 18 Nov 2025 09:18:16 GMT

Skólafundur 4. nóvember 2025

Á skólafundi 4. nóvember sl. ræddu nemendur um áhrif snjallsímanotkunar og skjátíma á heilsu og vellíðan. Niðurstöður fundarins má lesa hér .

Í átt að sjálfbærni

Fri, 07 Nov 2025 09:32:27 GMT

Lokafyrirlestur í afmælisráðstefnuröð FB

Föstudaginn 14. nóvember er síðasti viðburðurinn í ráðstefnuröð FB.

Eftirfarandi erindi verða á dagskrá:

Susanne Möckel, doktor í jarðvegsfræði og lektor við Landbúnaðarháskóla Íslands:
Þekking, umhyggja og vellíðan – grunnur að sjálfbærni og ábyrgð í loftslagsmálum?
Halldór Þorgeirsson, formaður Loftslagsráðs:
Hlutverk menntakerfisins í að takast á við loftslagsbreytingar.

Fyrirlestrarnir eru hluti af ráðstefnuröð í tilefni af 50 ára afmæli FB. Skráning: https://forms.office.com/e/v74VJFu6rZ

Jólakortasamkeppni

Wed, 05 Nov 2025 12:44:16 GMT

Hannar þú jólakort FB 2025?

Leiðbeiningar - Samkeppni um gerð jólakorts meðal nemenda FB.

Jólakortið 2025 verður rafrænt.

1. Myndefni: Mikilvægt að gera vel uppbyggða mynd sem gleður augað.

2. Efni og útfærsla: Útfærslan getur verið af fjölbreytilegri gerð, teikning með blýanti, krít eða bleki. Málaðar myndir með vatns-, þekju-, akrýl- eða tússlitum á pappír eða þrykkimyndir. Einnig væri hægt að vinna hreyfimynd (t.d. í Photoshop) þar sem kortið verður rafrænt.

3. Stærð myndar: Stærð myndar er aukaatriði. Hægt er að smækka eða stækka myndina.

4. Fjöldi innsendra mynda: Keppendur mega senda fleiri en eina tillögu.

5. Nafnleynd: Nafn keppanda skal fylgja með umsókn. Ef umsókn er skilað á skrifstofu þá skal nafn keppanda fylgja í lokuðu umslagi sem er tryggilega fest við tillögu.

6. Skilafrestur: Frestur til að skila inn tillögum er 2. desember 2025. Hægt er að skila tillögum á bókasafn skólans eða í tölvupósti á netfangið jolakort@fb.is.

Skólinn áskilur sér rétt til að nýta jólakortið sem jólakveðju skólans.

Dómnefnd skipa skólameistari og listnámskennarar skólans.

Undirbúningsnámskeið fyrir sveinspróf í rafvirkjun

Mon, 03 Nov 2025 08:28:43 GMT

Skráning á undirbúningsnámskeið fyrir sveinspróf í rafvirkjun er hafin

Athugið: Fullt er á undirbúningsnámskeiðið en velkomið er að skrá sig á biðlista á skráningarforminu hér neðst.

Undirbúningsnámskeið verður haldið í Fjölbrautaskólanum í Breiðholti, fyrir sveinspróf í rafvirkjun sem haldið verður í febrúar. Námskeiðið verður haldið dagana 13.–31. janúar og verður kennt á kvöldin (kl. 18:00-22:00) ásamt laugardögum (kl. 8:00-12:00). Námskeiðsgjald er kr. 60.000.- en þeir sem eru að undirbúa endurtekt á prófi greiða hálft gjald. Nánari dagskrá verður send út seinna.

Skráning á námskeiðið.

Kennsla fellur niður vegna veðurs

Tue, 28 Oct 2025 11:34:59 GMT

Kennsla fellur niður vegna veðurs

Vegna veðurs fellur kennsla niður frá kl. 13. 20 í dag, þriðjudaginn 28. október. Kvöldskólinn fellur jafnframt niður í dag.

Kennsla hefst aftur klukkan 12:25 á morgun, miðvikudaginn 29. október, þ.e. í fyrsta tíma eftir hádegishlé.

Stærðfræðikeppni framhaldsskólanna

Wed, 22 Oct 2025 08:50:41 GMT

Nemandi úr FB komst áfram í næstu umferð

Stærðfræðikeppni framhaldsskólanna var haldin þann 30. september síðastliðinn í FB og öðrum framhaldsskólum landsins. Alls tóku um 200 nemendur þátt og þar af þrír í FB. Nemendur FB stóðu sig með prýði og einn lenti í 14.-15. sæti á neðra stigi. Það var Raphael Bonizec og er hann þar með kominn áfram í seinni hluta keppninnar um að komast í Ólympíulið Íslands í stærðfræði. Verður gaman að fylgjast með hvernig honum gengur í framhaldskeppninni sem er í febrúar. Nánari upplýsingar um keppnina má finna hér.

FB styður nemendur markvisst til þátttöku í stærðfræðikeppninni og allir nemendur fengu gjafapoka og frí í tíma til að taka þátt. Einnig er boðið upp á valáfanga á vorönn 2026 í stærðfræði þar sem markmiðið er að aðstoða nemendur við undirbúning fyrir keppnina. Vonandi verða enn fleiri þátttakendur á næsta ári.

Tölfræði um útskriftir FB

Wed, 15 Oct 2025 12:04:30 GMT

Nýr tölfræðivefur

Í tilefni af 50 ára afmæli FB var tekin saman tölfræði yfir útskriftir frá skólanum af stúdentsbrautum, iðnbrautum, sjúkraliðabraut og starfsbraut. Fyrsta útskriftin frá skólanum var í desember 1978.

Myndræna framsetningin var unnin af Steinari Braga Sigurðarsyni hjá Tanuki.

Ráðstefnuröð FB

Fri, 10 Oct 2025 08:48:15 GMT

Ráðstefnuröð í tilefni af 50 ára afmæli FB

FB efnir til ráðstefnuraðar í tilefni af 50 ára afmæli skólans. Viðburðirnir fara allir fram í sal FB - Austurbergi 5.

Sigríður Þorgeirsdóttir heimspekiprófessor reið á vaðið þann 9. október og næst á dagskrá þann 14. október er Gervigreind: Frá texta til mynda þar sem Hjörvar Ingi Haraldsson og Sigurður Fjalar Jónsson kennarar í FB fjalla um grunnatriði í notkun ChatGPT og Gemini . Eftir kynningu eru vinnustofur í Notebook LM og skapandi gervigreind . Þátttakendur mæti með eigin tölvu.

Aðrir viðburðir í ráðstefnuröðinni eru:

20. október - Virðing, fjölbreytni og sköpunarkraftur .

5. nóvember - Eldur og inngilding .

14. nóvember - Í átt að sjálfbærni .

FB 50 ára

Thu, 09 Oct 2025 09:27:21 GMT

Húsfyllir á 50 ára afmæli FB

Fjölbrautaskólinn í Breiðholti átti 50 ára afmæli laugardaginn 4. október og var því fagnað við hátíðlega athöfn í sal skólans. Guðrún Hrefna Guðmundsdóttir skólameistari setti hátíðina og bauð Guðmund Inga Kristinsson mennta- og barnamálaráðherra velkominn sem og Heiðu Björgu Hilmisdóttur borgarstjóra. Jón L. Árnason bað svo um orðið fyrir hönd Rótarýklúbbsins Reykjavík-Breiðholt en hann sagði frá stuðningi klúbbsins við skólann í gegnum tíðina og greindi af þessu tilefni frá rausnarlegum styrk til starfsbrautar skólans. Ingvar Sverrisson formaður skólanefndar til fjölda ára sem er jafnframt fyrrverandi nemandi FB flutti því næst hátíðarræðu og að lokum sagði Gunnar Þór Bjarnason ritstjóri bókarinnar Fjölbraut í 50 ár frá útgáfuferlinu en bókin sem er eftir Andra Þorvarðarson sögukennara við skólann kom út þennan sama dag. Pálmi Sigurhjartarson og Unnur Birna Björnsdóttir fluttu tónlist og Lovísa Margrét Eðvarðsdóttir nemandi í FB söng við þeirra undirleik.

Að lokinni dagskrá var gestum boðið að ganga um skólann. Auk þess sem hægt var að skoða kennslustofur og aðra aðstöðu voru þrjár sýningar á göngum skólans, hver og ein tileinkuð þeim þremur skólameisturum sem hafa starfað við skólann og endurspegluðu sýningarnar ólíkan tíðaranda á fjölbreyttan hátt. Að lokum var gestum boðið upp á veitingar í galleríi skólans þar sem einnig var fróðleg sýning um listafólk sem hefur gengið í skólann auk þess sem hægt var að fræðast um ýmsa tölfræði tengda FB.

Við þökkum þeim fjölmörgu gestum sem komu í afmælið, einnig þökkum við fyrir blóm, gjafir og heillaóskir sem skólanum hafa borist á síðustu dögum. 

Myndir frá afmælishátíðinni eru á myndasíðu skólans .

FB 50 ára

Thu, 02 Oct 2025 15:11:59 GMT

Sveinspróf í rafvirkjun

Mon, 29 Sep 2025 15:26:02 GMT

Sveinspróf verða haldin í febrúar 2026

Sveinspróf

Thu, 25 Sep 2025 15:17:26 GMT

Upplýsingar um sveinspróf

Nemendur sækja rafrænt um sveinspróf inni á mínum síðum á www.idan.is >> sveinspróf.

Þar koma fram allar helstu upplýsingar varðandi sveinsprófin, umsóknarfrest, ósk um prófstað og fleira.

Meistari umsækjanda þarf að undirrita umsóknareyðublað (ekki rafrænt), umsóknina þarf síðan að setja inn með öðrum gögnum sem eru burtfararskírteini og ferilbók.

Framtakssamir nýnemar

Fri, 19 Sep 2025 09:04:40 GMT

Nemendur tóku til hendinni

Framtakssamur hópur nýnema tók til hendinni á lóð skólans í góða veðrinu í vikunni. Þau fóru út ásamt Ástu líffræðikennara og snyrtu beð skólans hátt og lágt. Vel gert hjá þessum góða nemendahóp og til fyrirmyndar!

Stuttmyndakeppni

Tue, 02 Sep 2025 10:07:05 GMT

Stuttmyndakeppni í tilefni 50 ára afmælis FB: Okkar skóli - okkar sögur

Markmið

Nemendur búa til stutta kvikmynd sem fangar einhvern þátt úr lífi skólans - hvort sem það er daglegt líf, sérstök augnablik, fólkið, rýmin, andi staðarins eða hlutar úr sögu skólans.

Reglur og rammi

Lengd: 3-7 mínútur
Efni: Allt efni þarf að tengjast skólanum á einhvern hátt
Þátttakendur: Einstaklingar eða hópar (allt að 4 nemendur)
Tæknibúnaður: Frjálst val - síminn dugar vel!
Matsþættir: T.d. frumleiki, tæknileg framsetning, efnistök.

Hugmyndir að efnistökum

Dagur í lífi nemanda frá morgni til kvölds
Ferð um skólann með augum nýnema
Það sem gerist í matarpásu, frímínútum eða eftir skóla
Sérstök svæði skólans (bókasafn, íþróttasalur, verkstæði)
Skólahefðir eða viðburðir
'Hulinn' hluti skólans sem fáir þekkja
Tónlist eða önnur list í skólanum
Viðtöl við fólk um það hvaða þýðingu skólinn hefur í þeirra lífi
Spaugilegt eða dramatískt sjónarhorn á skólalífið

Dómnefnd: Starfsfólk og nemendur

1. verðlaun: 80.000.- (fyrir hópinn)

Allir þátttakendur fá bíómiða (einungis fyrir myndir sem uppfylla lágmarksskilyrði).

Skilafrestur 29. september

Úrslit tilkynnt miðvikudaginn 1. október.

Myndum skal skilað á netfangið: sgs@fb.is

Munið: Þetta á að vera skemmtilegt! Notið ímyndunaraflið og sýnið okkur skólann eins og þið sjáið hann.

Fyrrum nemendur FB hljóta styrk

Wed, 27 Aug 2025 12:55:38 GMT

Fyrrum FB-ingar hljóta styrk úr Afreks- og hvatningarsjóði stúdenta HÍ

Þrír fyrrverandi nemendur úr FB hlutu nýverið styrk úr Afreks- og hvatningarsjóði stúdenta Háskóla Íslands. Þetta eru þau Theódór Helgi Kristinsson, Rawaa M S Albayyouk og Kristinn Rúnar Þórarinsson. Styrkirnir eru veittir nýnemum við Háskóla Íslands sem hafa náð framúrskarandi árangri í námi til stúdentsprófs og jafnframt látið til sín taka á öðrum sviðum, svo sem félagsstörfum í framhaldsskóla eða listum og/eða íþróttum. Theódór Helgi stundar nú nám í tölvunarfræði, Rawaa í tannsmíði og Kristinn Rúnar í jarðeðlisfræði. Við óskum þeim innilega til hamingju!

Töflubreytingar

Fri, 08 Aug 2025 14:12:37 GMT

Fimmtudaginn 14. ágúst

Töflubreytingar nemenda fara fram fimmtudaginn 14. ágúst í stofu 204 frá klukkan 8:30-16:00.

Innritun í framhaldsskóla lokið

Mon, 23 Jun 2025 11:16:05 GMT

263 nýnemar hefja nám við FB í haust

Nú þegar innritun í framhaldsskóla er lokið gleður okkur að segja frá því að 263 nemendur sem voru að ljúka grunnskóla hafa fengið skólavist í FB auk þess sem 140 eldri nemendur hefja nám í FB í haust. Útlit er fyrir að um 1300 nemendur muni stunda nám í FB í dagskóla á komandi haustönn.

Nýnemar og forráðamenn hafa fengið rafrænt bréf með upplýsingum um skólabyrjun en jafnframt er helstu upplýsingar að finna hér á heimasíðu skólans .

Opnunartími skrifstofu

Wed, 28 May 2025 16:12:41 GMT

Sumar 2025

Frá 10. júní til og með 27. júní er skrifstofan opin frá kl. 8-13.

Skólinn er lokaður vegna sumarleyfa frá og með 30. júní til 5. ágúst. Skrifstofa skólans opnar aftur miðvikudaginn 6. ágúst kl. 10.

Útskriftarhátíð FB

Tue, 27 May 2025 20:24:43 GMT

175 nemendur útskrifaðir við hátíðlega athöfn

Í dag útskrifuðust 175 nemendur frá FB við hátíðlega athöfn í Silfurbergi Hörpu, þar af útskrifuðust 27 með tvö skírteini. 44 nemendur luku prófi af húsasmiðabraut, 34 af rafvirkjabraut, 9 af starfsbraut, 28 sjúkraliðar útskrifuðust og 10 snyrtifræðingar. Nemendur sem luku stúdentsprófi voru 77.

Guðrún Hrefna Guðmundsdóttir skólameistari stýrði athöfninni og Víðir Stefánsson aðstoðarskólameistari flutti yfirlitsávarp. Þeir Jeremias Borjas Tablante og Sveinn Máni Sigurðsson fluttu ræður útskrifaðra, Kristinn Rúnar Þórarinsson nýstúdent lék á tenórsaxófón og Klara Blöndal nemandi við FB söng við undirleik Pálma Sigurhjartarsonar en auk hans lék Elvar Bragi Kristjónsson á trompet við athöfnina.

Þeim Heimi Jóni Guðjónssyni, Helga S. Reimarssyni og Júlíusi Júlíussyni kennurum á rafvirkjabraut var þakkað fyrir vel unnin störf en þeir láta nú af störfum sökum aldurs. Fjölmargir nemendur hlutu verðlaun og viðurkenningar fyrir góðan námsárangur sem má lesa um hér að neðan en Kristinn Rúnar Þórarinsson var dúx skólans með einkunnina 9,61 og Rawaa M S Albayyouk var með hæsta einkunn stúlkna á stúdentsprófi og jafnframt semídúx með einkunnina 9,02.

Innilega til hamingju með áfangann öll sem eitt!

Feiri myndir birtast á næstu dögum á heimasíðu skólans.

Verðlaun í einstökum greinum voru sem hér segir:

Danska : Helen Giang Le Ngo, fata- og textílbraut

Fata- og textílgreinar : Helen Giang Le Ngo, fata- og textílbraut

Spænska : Helen Giang Le Ngo, fata- og textílbraut

Eðlisfræði : Kristinn Rúnar Þórarinsson, húsasmiðabraut og stúdentsbraut að loknu starfsnámi

Íslenskuverðlaun Kristínar Arnalds : Kristinn Rúnar Þórarinsson, húsasmiðabraut og stúdentsbraut að loknu starfsnámi

Stærðfræði : Kristinn Rúnar Þórarinsson, húsasmiðabraut og stúdentsbraut að loknu starfsnámi

Raungreinaverðlaun HR : Kristinn Rúnar Þórarinsson, húsasmiðabraut og stúdentsbraut að loknu starfsnámi

Enska : Jóhann Ísak Ingimundarson, myndlistarbraut

Myndlistargreinar : Jóhann Ísak Ingimundarson, myndlistarbraut

Menntaverðlaun HÍ : Jóhann Ísak Ingimundarson, myndlistarbraut

Íslenska sem annað mál : Rawaa M S Albayyouk, opin braut

Stærðfræði : Rawaa M S, opin braut

Lokaritgerð til stúdentsprófs : Markús Birgisson, opin braut

Lokaritgerð til stúdentsprófs : Thelma Karen Björnsdóttir, opin braut

Sálfræði : Þórdís Lilja Magnúsdóttir, opin braut

Tölvugreinar : Jeremias Borjas Tablante, tölvubraut

Viðurkenning fyrir mestu framfarir á starfsbraut : Eygló Hulda Guðjónsdóttir, starfsbraut

Húsasmiðabraut : Kristinn Rúnar Þórarinsson, húsasmiðabraut

Rafvirkjabraut : Anika Ýr Jóhannsdóttir, rafvirkjabraut

Snyrtibraut : Elva Marín Ævarsdóttir, snyrtibraut

Sjúkraliðabraut : Júlía Káradóttir, sjúkraliðabraut

Stúdentspróf – verðlaun fyrir bestan árangur : Kristinn Rúnar Þórarinsson, stúdentsbraut að loknu starfsnám

Viðurkenning frá Soroptimistaklúbbi Hóla og Fella : Rawaa M S Albayyouk, opin braut

Viðurkenning frá Rotaryklúbbi Breiðholts : Sveinn Máni Sigurðsson, húsasmiðabraut og stúdentsbraut að loknu starfsnámi

Prófsýning og útskrift

Thu, 22 May 2025 14:00:36 GMT

Lok vorannar

Þriðjudaginn 20. maí kl. 12:00-13:00 gefst nemendum og forráðamönnum tækifæri til að koma í skólann og fara yfir prófúrlausnir og námsmat vorannar með kennara. Kennarar verða til viðtals í stofum, listar yfir hvar kennarar eru til viðtals hanga í anddyri skólans.

Verið velkomin!

Útskriftarhátíð FB fer fram í Silfurbergi, Hörpu þriðjudaginn 27. maí klukkan 14:00, salurinn opnar klukkan 13:30 og áætlað er að athöfnin taki um eina og hálfa klukkustund. Aðstandendur útskriftarefna eru hvattir til að mæta, það er nóg pláss fyrir gesti.

Nemendur frá FB í starfsþjálfun á vegum Erasmus+

Wed, 21 May 2025 09:48:55 GMT

Frábært tækifæri fyrir verknámsnemendur í FB

Í vor og sumar fara 20 nemendur frá FB til útlanda í starfsþjálfun á vegum Erasmus+. Um er að ræða fjögurra vikna dvöl þar sem nemendur af verknámsbrautum öðlast reynslu í sínu fagi í gegnum störf á erlendri grundu.

Nú þegar hafa fimm sjúkraliðanemar haldið til starfa á hjúkrunarheimilum í Danmörku; þrír til Ebeltoft og tveir til Hornslet en einnig fóru þrír rafvirkjanemar til rafvirkjafyrirtækja í Herning.

Þá eru fimm snyrtifræðinemar farnir til Kanaríeyja, þrjár eru á Tenerife og tvær á Gran Canaria, þar sem þær eru í starfsþjálfun á spa-hótelum.

Í lok maí og í byrjun júní fara svo fleiri nemendur utan; einn textílnemi fer til Porto til fyrirtækis sem sérhæfir sig í ballettfatnaði, tveir myndlistarnemar fara til Frakklands á vinnustofu listamannsins Gwenn le Brenn og þangað fara einnig fjórir snyrtifræðinemar að vinna á spa-hótelum.

Þetta er frábært tækifæri fyrir nemendur FB en alþjóðleg samstarfsverkefni á borð við Erasmus+ auka víðsýni, efla skilning á mikilvægi tungumálakunnáttu og veita innsýn í líf og störf fólks í öðrum löndum.

Góðgerðardagur útskriftarnema

Tue, 22 Apr 2025 09:08:37 GMT

Útskriftarefni láta gott af sér leiða

Hefð er fyrir því að útskriftarefni láti gott af sér leiða á góðgerðardegi þegar styttist í útskrift. Skemmtilegur og samheldinn hópur nemenda hittist í vikunni fyrir páskafrí og týndi rusl í kringum FB og gerði skólalóðina snyrtilega. Að loknu góðu dagsverki voru svo grillaðar pylsur. Nú er dimmitering framundan þann 2. maí og svo útskriftin sjálf 27. maí. Gangi ykkur vel á lokasprettinum!

Fullt á undirbúningsnámskeið fyrir sveinspróf í rafvirkjun

Tue, 01 Apr 2025 11:40:37 GMT

Skráning á biðlista

Fullt er á undirbúningsnámskeið fyrir sveinspróf í rafvirkjun. Hægt er að skrá sig á biðlista með því að senda póst á Jóhannes (jra@fb.is) með upplýsingum um nafn, netfang, kennitölu og símanúmer.

Mín framtíð 2025

Wed, 19 Mar 2025 10:19:59 GMT

Mín framtíð og Íslandsmót iðn- og verkgreina

Mín framtíð 2025, Íslandsmót iðn- og verkgreina ásamt framhaldsskólakynningum, fór fram í Laugardalshöll 13.-15. mars.

FB var með glæsilegan kynningarbás í höllinni þar sem fulltrúar úr hópi starfsfólks og nemenda kynntu nám á ólíkum brautum skólans; nemendur á sjúkraliðabraut mældu blóðþrýsting og mettun hjá gestum og gangandi, nemendur á listasviði teiknuðu andlitsmyndir, snyrtifræðinemendur buðu upp á dekurstund og nemendur á náttúruvísindabraut leyfðu gestum að skoða geitungabú í smásjá svo eitthvað sé nefnt.

Nemendur frá FB kepptu í fjórum keppnisgreinum á Íslandsmóti iðn- og verkgreina í liðinni viku. Tristan Þór Traustason keppti í húsasmíði og í rafvirkjun kepptu þau Karen Ósk Gísladóttir og Guðni Hlynur Granz. FB átti í fyrsta sinn í ár fulltrúa í keppni í vefþróun en lið FB skipuðu Adam Gapinski, Álfgrímur Davíð Pétursson og Halldór Hrafn Reynisson. Árangur FB-inganna var glæsilegur en lið FB lenti í 2. sæti í vefþróun, Tristan Þór lenti í 3. sæti í húsasmíði og Guðni Hlynur í 2. sæti í rafvirkjun. 12 nemendur af snyrtibraut kepptu einnig á Íslandsmótinu og urðu úrslitin svohljóðandi: Sæbjörg Jóhannesdóttir lenti í 1. sæti, Þórey Lára Halldórsdóttir í 2. sæti og Natalía Valgeirsdóttir í 3. sæti.

Allir keppendur á Íslandsmótinu stóðu sig einstaklega vel og við óskum þeim öllum innilega til hamingju með frábæra frammistöðu. Aðrir nemendur á brautunum stóðu svo vaktina í kynningarbásnum okkar og svöruðu spurningum gesta um skólann og námið í FB og voru sérlega flottir fulltrúar skólans, við þökkum þeim öllum fyrir þeirra framlag!

Skráning á Sæludaga hafin

Wed, 05 Mar 2025 14:29:53 GMT

Sæludagar 12. og 13. mars

Nemendafélag FB skipuleggur sæludaga á vorönn en í ár eru þeir dagana 12. og 13. mars. Þá er kennsla brotin upp og ýmiss konar tilboð fyrir nemendur innan skólans og utan. Sæludögum lýkur með árshátíð nemendafélagsins. Skráning er hafin á Sæludagavefnum !

Nemandi í FB sigurvegari í smásögukeppni

Thu, 27 Feb 2025 11:03:10 GMT

Smásögukeppni félags enskukennara 2025

Félag enskukennara á Íslandi (FEKÍ) stendur fyrir árlegri smásögukeppni á landsvísu. Í ár voru fjölmargir nemendur sem tóku þátt af öllu landinu og því er mjög ánægjulegt að segja frá því að Zuzanna Olszewska nemandi í FB hlaut 1. verðlaun fyrir söguna sína Town of Echos.

Verðlaunaafhending fór fram í Veröld - Húsi Vigdísar þann 17. febrúar. Á myndinni hér að ofan er Zuzanna ásamt Bryony Mathew, sendiherra Bretlands á Íslandi og einnig er mynd af Zuzönnu með Daða enskukennara og móður sinni Katarzyna Olszewska sem vill svo skemmtilega til að er fyrrum nemandi í FB. Við óskum henni innilega til hamingju með þennan frábæra árangur og hvetjum ykkur til að halda áfram að skrifa ykkar sögur.

Hér er hægt að lesa verðlaunasögurnar í ár.

Hér er umfjöllun í Krakkafréttum.

Innritun fyrir haustönn

Wed, 19 Feb 2025 13:14:38 GMT

Opið fyrir innritun í dagskóla fyrir haustönn 2025

Opið fyrir umsóknir

Starfsbrautir: 1. febrúar – 28. febrúar
Innritun eldri nema: 14. mars – 26. maí
Innritun nemenda úr grunnskóla: 25. apríl – 10. júní

Svona sækir þú um

Skráðu þig inn með rafrænum skilríkjum, https://island.is/umsokn-um-framhaldsskola
Umsækjandi byrjar á því að samþykkja gagnaöflun þar sem meðal annars eru sóttar persónuupplýsingar úr þjóðskrá.
Sótt er um tvo skóla og tvær brautir innan hvers skóla. Möguleiki í boði fyrir nemendur úr 10. bekk að bæta við vali á þriðja skólanum.
Settu fylgigögn með umsókninni ef þess þarf. Dæmi um fylgigögn eru:

Vottorð eða sérstakar upplýsingar um sértæka námsörðugleika
Námsferil úr erlendum skólum og sértækum skólum. Einnig má senda slík gögn til viðkomandi skóla með pósti eða biðja viðkomandi grunnskóla um að senda þau.

Ekki skal senda greiningargögn og prófskírteini úr grunnskóla með umsóknum.

Þegar grunnskólum hefur verið slitið í vor flytjast skólaeinkunnir (lokavitnisburður) nemenda rafrænt til þeirra skóla sem þeir sóttu um hjá.

Skilyrði

Til að geta byrjað nám í framhaldsskóla þarftu að hafa lokið grunnskólanámi, grunnskólaprófi, hlotið jafngilda undirstöðumenntun eða vera orðin 16 ára.

Umsóknarfrestur jöfnunarstyrks

Mon, 10 Feb 2025 11:33:32 GMT

Menntasjóður námsmanna

Umsóknarfrestur vorannar 2025 um jöfnunarstyrk fyrir nemendur sem búa og stunda nám fjarri lögheimili er til og með 15. febrúar n.k. Nánari upplýsingar fást á heimasíðu Menntasjóðs eða með því að senda fyrirspurn á menntasjodur@menntasjodur.is.

Dagskóli fellur niður fimmtudaginn 6. febrúar

Thu, 06 Feb 2025 11:19:15 GMT

Engin kennsla í dagskóla vegna veðurs

Kennsla fellur niður í dagskóla í dag fimmtudaginn 6. febrúar. Kennt verður í kvöldskóla eftir stundaskrá.

Skóla lokað vegna veðurs

Wed, 05 Feb 2025 13:10:19 GMT

Kennsla felld niður vegna slæmrar veðurspár

Vegna slæmrar veðurspár fellur öll kennsla niður frá klukkan 13:40 í dag, miðvikudaginn 5. febrúar. Þetta á við um bæði dag- og kvöldskóla. Kennsla fellur einnig niður í fyrramálið. Skólastarf hefst að nýju klukkan 12:40 fimmtudaginn 6. febrúar.

Klara Blöndal sigraði Bergmálið

Sun, 26 Jan 2025 21:31:58 GMT

Bergmálið - Söngkeppni FB

Bergmálið – undankeppni FB fyrir söngkeppni framhaldsskólanna var haldin þann 23. janúar. Það var Klara Blöndal sem bar sigur úr bítum með flutningi sínum á laginu My all en í öðru sæti var Sylvía Lind og Rán Ósk í því þriðja. Dómarar í keppninni voru Logi Pedro, Svavar Lárus og Iveta Licha. Klara verður því fulltrúi FB í söngkeppni framhaldsskólanna sem verður haldin þann 12. apríl þar sem hún mun flytja íslenska útgáfu af sigurlaginu. Innilega til hamingju!

FB áfram í Gettu betur

Thu, 09 Jan 2025 10:15:18 GMT

Komin í 16 liða úrslit

Lið FB er komið áfram í aðra umferð Gettu betur eftir sigur á liði FS í fyrstu umferð þann 8. janúar. Lið FB skipa þau Emelía Valey, Markús Ægir og Stefnir Daníel. Varamenn eru Elísabet Heiða og Friðgeir Örn. Við óskum þeim til hamingju með sigurinn og hlökkum til að fylgjast með næstu viðureign!

Upphaf vorannar 2025

Sun, 22 Dec 2024 12:33:13 GMT

Stundatöflur komnar í Innu

Stundatöflur hafa verið opnaðar í Innu. Sjá nánari upplýsingar í tölvupósti frá áfangastjóra.

Föstudaginn 3. janúar verða töflubreytingar frá kl. 8:30-16:00 í stofu 204.

Kennsla hefst samkvæmt stundatöflu mánudaginn 6. janúar.

Myndir frá útskrift

Sat, 21 Dec 2024 10:08:29 GMT

Myndir frá útskriftarathöfn FB

Myndir frá útskriftinni eru nú aðgengilegar á myndasíðu skólans .

Útskrift FB í Hörpu

Thu, 19 Dec 2024 23:27:25 GMT

150 nemendur útskrifuðust frá FB

Í dag útskrifuðust 150 nemendur frá FB við hátíðlega athöfn í Eldborgarsal Hörpu, þar af 18 með tvö skírteini. 27 nemendur luku prófi af húsasmiðabraut, 27 af rafvirkjabraut, 24 sjúkraliðar útskrifuðust og 12 snyrtifræðingar. Nemendur sem luku stúdentsprófi voru 60.

Þær Ásgerður Ágústsdóttir og Elísabet X. Sveinbjörnsdóttir fluttu ræður útskrifaðra, Daníel George Þórarinsson og Hannes Orri Arnarson nýstúdentar léku á hljóðfæri og Lovísa Margrét formaður NFB söng við undirleik Pálma Sigurhjartarsonar en auk hans lék Elvar Bragi Kristjónsson á trompet við athöfnina.

Þeim Ágústu Unni Gunnarsdóttur fráfarandi kynningarstjóra og alþjóðafulltrúa og Elínu Þóru Rafnsdóttur var þakkað fyrir vel unnin störf en þær láta nú af störfum sökum aldurs. Fjölmargir nemendur hlutu verðlaun og viðurkenningar fyrir góðan námsárangur, Elísabet X. Sveinbjörnsdóttir var dúx skólans með einkunnina 9,50.

Innilega til hamingju með áfangann öll sem eitt!

Fleiri myndir birtast á næstu dögum.

Útskrift FB

Sun, 15 Dec 2024 10:35:11 GMT

Útskrift 19. desember 2024

Útskriftarhátíð FB fer fram frá Eldborgarsal Hörpu fimmtudaginn 19. desember klukkan 14:00, salurinn opnar klukkan 13:30 og áætlað er að athöfnin taki um eina og hálfa klukkustund. Aðstandendur útskriftarefna eru hvattir til að mæta, það er nóg pláss fyrir gesti.

Prófsýning og námsmatsviðtöl

Mon, 09 Dec 2024 14:33:17 GMT

Mánudaginn 16. desember

Mánudaginn 16. desember kl. 12:00-13:00 gefst nemendum og forráðamönnum tækifæri til að koma í skólann og fara yfir prófúrlausnir og námsmat með kennara.

Kennarar verða til viðtals í stofum, listar yfir hvar kennarar eru til viðtals hanga í anddyri skólans.

Verið velkomin!

Úrslit í jólakortasamkeppni FB

Sat, 07 Dec 2024 12:52:49 GMT

Jólakortasamkeppni 2024

Dómnefnd hefur lokið störfum í hinni árlegu samkeppni um gerð jólakorts fyrir FB.

Sigurvegari að þessu sinni er Jóhann Ísak Ingimundarson.

Í dómnefnd sátu Guðrún Hrefna Guðmundsdóttir skólameistari, Kolbrún Sigurðardóttir fagstjóri listnámsbrautar og Harpa Dögg Kjartansdóttir myndlistarkennari.

Alls bárust 28 tillögur í keppnina. Við þökkum nemendum fyrir þátttökuna. Þeir geta sótt myndir sínar á skrifstofu skólans.

Samstarfsyfirlýsing vegna barna í viðkvæmri stöðu í Reykjavík

Thu, 05 Dec 2024 11:37:20 GMT

Undirritun samstarfsyfirlýsingar

Þann 4. desember var skrifað undir samstarfsyfirlýsingu vegna barna í viðkvæmri stöðu í Reykjavík. Guðrún Hrefna Guðmundsdóttir skólameistari FB skrifaði undir yfirlýsinguna ásamt öðrum stjórnendum framhaldsskóla í Reykjavík. Ásamt þeim eru lögreglustjórinn á höfuðborgarsvæðinu, sýslumaðurinn á höfuðborgarsvæðinu, heilsugæsla höfuðborgarsvæðisins, skóla- og frístundaþjónusta og deild barna og fjölskyldna á miðstöðvum Reykjavíkurborgar og Barnaverndarþjónusta Reykjavíkur aðilar að verkefninu sem miðar að því að tryggja umönnun og vernd barna gegn ofbeldi eða annarri vanvirðandi háttsemi. Sjá nánar á vef Reykjavíkurborgar.

FB auglýsir eftir kennara í íslensku sem erlendu tungumáli

Tue, 03 Dec 2024 13:58:18 GMT

50% starf í kennslu íslensku sem erlends tungumáls á vorönn 2025

Fjölbrautaskólinn í Breiðholti óskar eftir að ráða kennara í 50% starf í kennslu íslensku sem erlends tungumáls á vorönn 2025. Ráðið er í starfið frá 1. janúar 2025. Sjá nánar á Starfatorgi .

DaDom - upptaka frá málþingi

Wed, 27 Nov 2024 10:56:05 GMT

DaDom - Málþing í FB

Málþing í tengslum við DaDom verkefnið - Daily dose of music, var haldið í FB 7. nóvember. Hér má sjá upptöku frá málþinginu.

Fyrsta skóflustungan tekin að nýju verknámshúsi FB

Tue, 26 Nov 2024 14:36:20 GMT

Starfsnámsaðstaða FB tvöfaldast

Það var hátíðleg stund í FB í dag þegar fyrsta skóflustungan var tekin að nýrri 2.654 fermetra verknámsaðstöðu fyrir húsasmíði, rafvirkjun og listgreinar en með tilkomu nýs húsnæðis mun starfsnámsaðstaða FB rúmlega tvöfaldast. Eftir undirritun verksamnings tóku þau Óskar Jósefsson forstjóri FSRE, Lovísa Eðvarðsdóttir formaður nemendafélags FB, Guðrún Hrefna Guðmundsdóttir skólameistari, Einar Þorsteinsson borgarstjóri og Ásmundur Einar Daðason mennta- og menningarmálaráðherra fyrstu skóflustunguna að viðstöddu fjölmenni. Sjá nánar á vef Stjórnarráðsins.

Myndataka: Hallur Karlsson

Jólakortasamkeppni 2024

Thu, 21 Nov 2024 14:48:40 GMT

Vinnur þú 40.000 krónur?

Opnað hefur verið fyrir innsendingar í samkeppni um gerð jólakorts meðal nemenda FB.

Jólakortið verður rafrænt.

Myndefni
Mikilvægt að gera vel uppbyggða mynd sem gleður augað.
Efni og útfærsla
Útfærslan getur verið af fjölbreytilegri gerð; teikning með blýanti, krít eða bleki. Málaðar myndir með vatns-, þekju-, akrýl- eða tússlitum á pappír eða þrykkimyndir. Einnig væri hægt að vinna hreyfimynd (t.d. í Photoshop) þar sem kortið verður rafrænt.
Stærð myndar
Stærð myndar er aukatriði. Hægt er að smækka eða stækka myndina.
Fjöldi innsendra mynda
Keppendur mega senda fleiri en eina tillögu.
Nafnleynd
Nafn keppanda skal fylgja með umsókn. Ef umsókn er skilað á bókasafn skal nafn keppanda fylgja í lokuðu umslagi sem er tryggilega fest við tillögu.
Skilafrestur
Frestur til að skila inn tillögum er 2. desember 2024. Hægt er að skila tillögum á bókasafn skólans eða í tölvupósti á netfangið jolakort@fb.is

Skólinn áskilur sér rétt til að nýta jólakortið sem jólakveðju skólans.

Dómnefnd skipa skólameistari og listnámskennarar skólans.

Tónlist í umönnun - Málþing

Wed, 06 Nov 2024 11:12:06 GMT

Málþing - tengill á streymi

Hér má sjá streymi frá málþingi um tónlist í umönnun. Málþingið er haldið 7. nóvember kl. 17:00-18:00 í Fjölbrautaskólanum í Breiðholti, Austurbergi 5.

Nemendur FB fá styrk úr loftslagssjóði

Mon, 30 Sep 2024 15:37:02 GMT

Nemendur FB fá styrk úr loftslagssjóði

Nemendur í hönnun, nýsköpun og frumkvöðlafræði hjá Soffíu Margréti Magnúsdóttur fengu í dag afhendan styrk úr Loftslagssjóði ungs fólks í Reykjavík við hátíðlega athöfn í Höfða. Markmið verkefnisins er að vekja ungt fólk til vitundar um textílsóun á útihátíðum og benda á hringrásarhugsun með því að sýna fram á nýsköpun úr notuðum tjöldum. Verkefnið fær einnig styrk frá Sorpu sem útvegar notuð tjöld og afrakstur þess verður til sýnis á samsýningu framhaldsskólanna í Ráðhúsinu í lok nóvember. Þau Helen Giang, Hilmir Steinn og Nehimiya veittu styrknum viðtöku fyrir hönd hópsins. Til hamingju öll!

Erasmusverkefni sjúkraliðabrautar

Mon, 30 Sep 2024 11:33:49 GMT

DaDom - Nemendur og kennarar af sjúkraliðabraut

Nemendur og kennarar af sjúkraliðabraut FB eru þátttakendur í alþjóðlegu Erasmusverkefni sem nefnist 'Dadom' eða Daily Dose of Music. Þetta er samvinnuverkefni með nemendum og kennurum frá Hollandi og Litháen sem snýr að því að nota tónlist á hverjum degi í umönnun heilabilaðra. Á dögunum hittist hópurinn í Litháen þar sem var haldin alþjóðleg ráðstefna í tengslum við verkefnið. Nemendur FB og Sigurlaug kennari á sjúkraliðabraut héldu erindi um hvernig þekkingin á notkun tónlistar við umönnun heilabilaðra er nýtt í kennslu á sjúkraliðabraut, farið var í heimsókn á hjúkrunarheimili og dægradvöl fyrir eldri borgara í Litháen og fleira.

Fánadagur Heimsmarkmiða Sameinuðu þjóðanna

Wed, 25 Sep 2024 10:58:34 GMT

Fánadagur Heimsmarkmiða Sameinuðu þjóðanna um sjálfbæra þróun

Fánadagur Heimsmarkmiða Sameinuðu þjóðanna um sjálfæra þróun er í dag 25. september. Tilgangur fánadagsins er að minna á mikilvægi heimsmarkmiðanna. FB hefur verið UNESCO-skóli frá árinu 2019 og flaggar með stolti heimsmarkmiðafánanum í dag og sýnir þar með skuldbindingu sína við heimsmarkmiðin og aðgerðirnar sem þau krefjast.

Auglýsing um sveinspróf

Mon, 23 Sep 2024 13:46:01 GMT

Sjá upplýsingar um sveinspróf í meðfylgjandi auglýsingu frá Iðunni

Vel heppnaður fræðsludagur

Fri, 20 Sep 2024 13:35:39 GMT

Myndir frá fræðsludegi 18. september

Á fræðsludegi fóru nemendur í fjölbreyttar vettvangsferðir tengdar ýmsum námsgreinum, t.d. Ölgerðina, keilu, golfhermi, Þingvelli, bandaríska sendiráðið, gönguferð á Úlfarsfell, Borgarleikhúsið og RÚV svo eitthvað sé nefnt, auk þess sem þau gátu sótt alls kyns vinnustofur í skólanum. Meðfylgjandi eru nokkrar myndir frá hluta vettvangsferðanna.

Skráning hafin á fræðsludag

Fri, 13 Sep 2024 11:20:05 GMT

Skráning er hafin á fræðsludaginn 18. september

Skráning er hafin á fræðsludaginn 18. september n.k. Á fræðsludag er kennsludagurinn brotinn upp og nám fer fram utan hefðbundinnar stundatöflu. Kennarar skipuleggja kennslufyrirkomulag fræðsludaga sem getur verið mismunandi eftir fagdeildum og kennslugreinum. Nemendur mega velja einn viðburð fyrir og einn eftir hádegi. Fyrir mætingu á hvern viðburð fá nemendur frádregin fjögur fjarvistarstig. Skráning fer fram hér og við hvetjum nemendur til að skrá sig sem fyrst.

Nýnemar FB komnir til New York!

Wed, 11 Sep 2024 14:29:32 GMT

Nýnemar FB hafa gengið til New York!

Allir 250 nýnemar FB hafa gengið einn kílómetra á dag með umsjónarkennara sínum frá upphafi skólaársins. Nú hafa þau gengið samtals 4.778 kílómetra sem samsvarar vegalengdinni til New York í Bandaríkjunum. Til þess að fagna þessum áfanga skipulögðu umsjónarkennarar eplaleit í Elliðaárdalnum. Meðal eplanna var eitt gullepli . Sá hópur sem fann gulleplið fékk sjálft „gulleplið“ í verðlaun en New York er einmitt oft nefnd stóra eplið. Það voru umsjónarnemendur Hlífar íslenskukennara sem hrepptu hnossið. Til hamingju öll!

Kærleiksstund í FB

Thu, 05 Sep 2024 15:15:51 GMT

Kærleiksstund í FB

Nemendur og starfsfólk FB klæddust bleiku í dag til að sýna samstöðu og heiðra minningu Bryndísar Klöru. Það var síðan falleg samverustund í matsal nemenda í hádeginu þar sem Guðrún Hrefna skólameistari ávarpaði hópinn og Lovísa Margrét Eðvarðsdóttir flutti lagið Ást eftir Magnús Þór Sigmundsson við texta Sigurðar Norðdal

Fyrrum nemendur FB hljóta styrk

Wed, 28 Aug 2024 13:24:15 GMT

Fyrrum FB-ingar hljóta styrk úr Afreks- og hvatningarsjóði stúdenta HÍ

Tveir fyrrverandi nemendur úr FB hlutu nýverið styrk úr Afreks- og hvatningarsjóði stúdenta Háskóla Íslands. Þetta eru þær Eowyn Marie Alburo Mamatias og Karina Olivia Haji Birkett. Styrkirnir eru veittir nýnemum við Háskóla Íslands sem hafa náð framúrskarandi árangri í námi til stúdentsprófs og jafnframt látið til sín taka á öðrum sviðum, svo sem félagsstörfum í framhaldsskóla eða listum og/eða íþróttum. Eowyn stundar nám í geislafræði og Karina stundar nám í tölvunarfræði. Við óskum þeim innilega til hamingju!

Nemendur FB á ferð og flugi

Wed, 21 Aug 2024 12:55:42 GMT

Nemendur af fata- og textílbraut í Portúgal

Nemendur á lokaári fata- og textílbrautar eru þessa dagana í námsferð í Portúgal en ferðin er styrkt af Erasmus+. Hópurinn fer bæði til Porto og Lissabon; þau fóru í vinnustofu um kork á WOW-safninu í Porto og heimsóttu Banksy-safnið og Eduardo-garðinn í Lissabon svo eitthvað sé nefnt. Nemendur okkar hafa staðið sig með stakri prýði en með hópnum eru kennararnir Guðrún Árdís og Soffía.

Töflubreytingar

Mon, 12 Aug 2024 15:08:40 GMT

Töflubreytingar 14. ágúst

Töflubreytingar nemenda fara fram miðvikudaginn 14. ágúst í stofu 204 frá klukkan 8:30-16:00.

Opnunartími skrifstofu sumar 2024

Mon, 10 Jun 2024 14:13:38 GMT

Opnunartími skrifstofu sumar 2024

Frá 10. júní til og með 21. júní er skrifstofan opin frá kl. 8-13.

Skólinn er lokaður frá og með 24. júní – 6. ágúst og opnar aftur miðvikudaginn 7. ágúst kl. 10.

Útskriftarhátíð FB

Tue, 28 May 2024 14:23:28 GMT

Útskriftarhátíð FB

Glæsileg útskriftarhátíð FB fór fram í Hörpu í gær að viðstöddu fjölmenni. Óskum öllum innilega til hamingju með árangurinn! Theódór Helgi Kristinsson var dúx skólans með einkunnina 9.65. Valdís Valbjörnsdóttir sem útskrifaðist af snyrtibraut söng svo fallega. Theódór Helgi lék stórkostlega tvö verk á flygilinn. Hildur Eva Þórðardóttir sem útskrifaðist af rafvirkjabraut og sem stúdent hélt flotta ræðu fyrir hönd útskriftarnema sem og Garðar Freyr Bjarkason sem útskrifaðist bæði sem sjúkraliði og stúdent. Guðrún Hrefna Guðmundsdóttir skólameistari stýrði athöfninni og Víðir Stefánsson flutti yfirlitsræðu.

Fleiri myndir koma fljótlega.

Útskriftarhátíð FB og opnun skrifstofu

Thu, 23 May 2024 14:24:54 GMT

Útskriftarhátíð FB og opnun skrifstofu

Útskriftarhátíð FB verður mánudaginn 27. maí n.k. í Silfurbergi, Hörpu. Athöfnin hefst kl. 14:00 og lýkur upp úr kl. 15:30. Salurinn opnar fyrir gesti kl. 13:30. Við hvetjum útskriftarnema til að bjóða sem flestum vinum og vandamönnum á útskriftina.

Athugið að skrifstofa skólans lokar klukkan 12 á hádegi þennan dag.

Samstarfssamningur um rekstur Fab Lab undirritaður í dag

Tue, 21 May 2024 14:25:56 GMT

Samstarfssamningur um rekstur Fab Lab undirritaður í dag

Í dag var undirritaður samningur um rekstur Fab lab Reykjavík í húsnæði FB, Reykjavíkurborgar, háskóla-, iðnaðar og nýsköpunarráðuneytis og mennta- og barnamálaráðuneytisins um rekstur stafrænnar smiðju, til næstu þriggja ára.

Til hamingju öll!

FB-ingar á ferð og flugi

Sun, 17 Apr 2022 13:38:08 GMT

Undanfarnar vikur hafa nemendur og kennarar verið á ferðalagi annars vegar í Póllandi og hins vegar Frakklandi. Andri Þorvarðarson sögukennari fór með nemendur úr valáfanga um sögu Póllands til Kraká og Auschwitz. Þá fór hópur nemenda af snyrtibraut ásamt kennurum Nínu Björgu Sigurðardóttur og Bergljótu Stefánsdóttur til Parísar þar sem þær heimsóttu skóla og fyrirtæki sem framleiða snyrtivörur og fóru á ilmvatnsnámskeið og upplifðu menninguna í París.

fjolbrautb

Skákmót FB

Páll Ísak er skákmeistari FB

Fréttir og myndir af framkvæmdum

Ný verknámsaðstaða rís við Hraunberg

Kennsla fellur niður

Kennsla fellur niður vegna veðurs

FB-ingar á faraldsfæti

Blómlegt alþjóðasamstarf í FB

Húfumátun fyrir útskriftarnema

Útskriftarnemar vor 2026

Skráning á Sæludaga er hafin

Sæludagar eru 11. og 12. mars

Elín Birna leiðir Fab Lab Reykjavík

Nýr verkefnastjóri í Fab Lab Reykjavík

Námsmatsdagur, vetrarfrí og starfsþróunardagur

Framundan í skóladagatali

Fréttatilkynning

FB hlýtur styrk frá Mennta- og barnamálaráðuneytinu

Rán sigurvegari söngvakeppninnar

Söngvakeppni FB fór fram í gær

Innritun í dagskóla

Innritun fyrir haust 2026

Söngvakeppni FB

Keppnin fer fram 29. janúar n.k.

Undirbúningsfundur í Turku: Nordplus verkefni

Nordic-Eco-Stitches

Opnunartími skrifstofu og upphaf vorannar

Kennsla hefst 6. janúar

Útskriftarhátíð FB

143 nemendur útskrifaðir við hátíðlega athöfn

Úrslit í jólakortasamkeppni

18 tillögur bárust í jólakortasamkeppni FB

Prófsýning og útskrift

Lok haustannar

Fjölbraut í 50 ár – Saga Fjölbrautaskólans í Breiðholti 1975-2025

Bókin um sögu FB

Nýbyggingar rísa við Hraunberg

Framkvæmdir við nýja smiðju ganga vel

Roðagyllum heiminn

FB styður átak Soroptomista gegn ofbeldi

Niðurstöður skólafundar

Skólafundur 4. nóvember 2025

Í átt að sjálfbærni

Lokafyrirlestur í afmælisráðstefnuröð FB

Jólakortasamkeppni

Hannar þú jólakort FB 2025?

Leiðbeiningar - Samkeppni um gerð jólakorts meðal nemenda FB.

Undirbúningsnámskeið fyrir sveinspróf í rafvirkjun

Skráning á undirbúningsnámskeið fyrir sveinspróf í rafvirkjun er hafin

Kennsla fellur niður vegna veðurs

Kennsla fellur niður vegna veðurs

Stærðfræðikeppni framhaldsskólanna

Nemandi úr FB komst áfram í næstu umferð

Tölfræði um útskriftir FB

Nýr tölfræðivefur

Ráðstefnuröð FB

Ráðstefnuröð í tilefni af 50 ára afmæli FB

FB 50 ára

Húsfyllir á 50 ára afmæli FB

FB 50 ára

Sveinspróf í rafvirkjun

Sveinspróf verða haldin í febrúar 2026

Sveinspróf

Upplýsingar um sveinspróf

Framtakssamir nýnemar

Nemendur tóku til hendinni

Stuttmyndakeppni

Stuttmyndakeppni í tilefni 50 ára afmælis FB: Okkar skóli - okkar sögur

Markmið

Reglur og rammi

Hugmyndir að efnistökum

Dómnefnd: Starfsfólk og nemendur

1. verðlaun: 80.000.- (fyrir hópinn)

Skilafrestur 29. september

Fyrrum nemendur FB hljóta styrk

Fyrrum FB-ingar hljóta styrk úr Afreks- og hvatningarsjóði stúdenta HÍ ﻿

Töflubreytingar

Fimmtudaginn 14. ágúst

Innritun í framhaldsskóla lokið

Fyrrum FB-ingar hljóta styrk úr Afreks- og hvatningarsjóði stúdenta HÍ