Í áfanganum er fjallað um ólíkar aðferðir við að fjarlægja hár með vaxi. Nemendur læra um uppbyggingu hárs og helstu aðferðir við notkun vax við að fjarlægja hár. Lögð er áhersla á að bera saman ólíkar aðferðir við háreyðingu. Nemendur öðlast verklega þjálfun við háreyðingu með vaxi. Nemendur fá fræðslu um uppbyggingu hárs og hárslíðurs, þeir læra að þekkja mismunandi hártegundir og vaxtahring hársins. Þeir læra um áhrif eftirfarandi aðferða við háreyðingu: raksturs, háreyðandi krema, plokkunar, vax, rafrænnar háreyðingar.