Áfangalýsing
Í áfanganum er lögð áhersla á að nemendur nái tökum á grunnhugtökum rafeðlisfræðinnar og geti leyst einföld verkefni sem tengjast notkun á raforku og hvernig raforka breytist í ljós, hita og hreyfiorku. Farið er í uppbyggingu og virkni ýmissa véla, tækja og búnaðar og gerðar tengimyndir og kynnt teiknitákn fyrir þau. Kenndar eru jafngildismyndir fyrir rafrásir í jafnstraumskerfum og einfasa riðstraumskerfum. Samhliða er unnið í mælingaverkefnum. Farið er í mismunandi áraun rafbúnaðar við ræsingu, tómagang og fullt álag, samhliða unnið í mælingaverkefnum. Farið er í þriggja fasa rafbúnað og tengingar. Þá er fjallað um mælitæki og tengingu þeirra og leyst einföld verkefni er varða rekstur spenna, tækja og véla.
Áfangamarkmið
Nemandi
- geti teiknað jafngildismyndir fyrir jafnstraumsbúnað og einfasa riðstraumsbúnað
- þekki eiginleika tækja og búnaðar í ræsingu og tómgangi
- viti hvernig raforka breytist í ljós, hita og hreyfiorku
- þekki tengimyndir og tengitákn þriggja fasa riðstraumsrása
- geti nýtt sér hermiforrit til aukins skilnings á virkni þessara rása
- geti reiknað og mælt verkefni sem tengjast orkufrekum rafbúnaði og riðstraumsrásum og gert skýrslur sem tengjast þessum verkefnum
Efnisatriði
Einfasakerfi, riðstraumsrásir, ein- og þrífasa spenna, álag með fasviki, riðstraumsviðnám þétta, riðstraumsviðnám spóla, fasviksjöfnun, álagsstraumar, einfaldar rafvélar, hitatæki, ljósgjafar, spennar, þrífasa rafbúnaður, þrífasa tengingar.
Námsmat
Verkefnavinna og próf. Lágmarkseinkunn í áfanganum er 5.