Áfangalýsing

Í þessum áfanga er lögð áhersla á uppbyggingu á minni húsveitum frá heimtaug til einstakra neyslu­tækja fyrir allt að 100A heimtaug í einbýlis- og fjölbýlishúsum. Fjallað er um helstu þætti raflagna og búnað þeirra fyrir ljósa- og tenglagreinar. Áhersla er lögð á að nemandi kunni góð skil á varnarráð­stöfunum í stærri húsveitum. Kynnt eru sérákvæði í reglugerðum, t.d. varðandi raflagnir í einstökum rýmum, og staðsetning á töflum. Gerðar eru verklegar æfingar, m.a. við uppsetningu aðaltöflu, raf­lagnir að þrífasa rafhreyfli, mælingar og prófanir, efnis- og kostnaðaráætlanir o.fl.

Áfangamarkmið

Nemandi

  • þekki virkni kæli-, frysti-, hita- og loftræstikerfa
  • geti tengt stýribúnað fyrir ýmis sérkerfi
  • þekki stærri verslunar- og iðnaðarveitur
  • geti lagt og tengt ýmis sérkerfi varðandi stærri neysluveitur
  • kunni skil á reglugerðarákvæðum varðandi stærri neysluveitur
  • þekki raflagnaefni skipa, s.s. streng og búnað
  • þekki rafala bæði jafnstraums og riðstraums
  • þekki startkerfi ýmiss konar í skipum
  • kunni skil á 12 og 24 volta kerfum smá- og skemmtibáta
  • þekki stýrisvél skipa
  • þekki útleiðslumælingar
  • geti tengt geymasamstæður
  • geti teiknað, lagt og tengt raflagnir í skip
  • kunni skil á reglugerðum Siglingastofnunar varðandi frágang raflagna

Efnisatriði

Rafkerfi skipa, kælikerfi, frystikerfi, loftræstikerfi, hitakerfi, lyftur, rafalar, startarar, færarúllur, stýris­vélar, skipastrengir, siglingaljós, siglingaljósatöflur, veiðiljós, jafnstraumur, riðst