Áfangalýsing
Í þessum áfanga kynnist nemandinn starfi rafiðnaðarmannsins, m.a. með heimsóknum á vinnustaði og söfn. Gerðar eru áhugaverðar tilraunir til að auka skilning á eðli og hegðun rafmagns. Fjallað er um efnisfræði og virkni ólíkra rofa kennd með hjálp smíða- og tengiverkefna. Einfaldur búnaður er tengdur á fagmannlegan hátt.
Áfangamarkmið
Nemandi
- kynnist vel starfi og starfssviði rafiðnaðarmannsins
- öðlist skilning á eðlisfræðilegri hegðun rafmagns, meðal annars með litlum verkefnum.
- fræðist um ólíkar gerðir rofa, tengingu þeirra og notkun
- kynnist ólíkum gerðum víra og meðhöndlun þeirra með tilliti til aðstæðna
- fræðist um öryggismál og reglugerðir er varða rafmagn
- geti fagmannlega tengt klær og hulsur
- æfi áfellda kapallögn og tengingu rofa, tengla og ljósa
- kynnist nokkrum raflagnatáknum, reglugerð og öryggismálum
- þjálfist í notkun handverkfæra sem notuð eru í rafiðnaði
- kynnist algengustu efnum í rafiðnaði
Efnisatriði
Kynningarstarf, hegðun rafmagns, öryggismál, einfaldir rofar, krónurofar, samrofar, krossrofar, tenglar, ljósabúnaður, falir, klær, hulsur, efnisfræði, meðhöndlun grannra víra.
Námsmat
Verkefnavinna og próf. Lágmarkseinkunn í áfanganum er 5.