Í áfanganum er farið í líkamsstarfsemi dýra og plantna. Fjallað er um fæðunám, meltingu, öndun, blóðrás, taugakerfi, efnaflutning, úrgangslosun, ónæmissvörun, hreyfingu, æxlun, fósturþroskun, stjórn efnaskipta og samvægi. Hvert einstakt líffærakerfi er tekið fyrir og hliðstæð kerfi borin saman. Fjallað er um heilbrigða starfsemi en einnig um algengustu frávik. Verklegar æfingar og verkefni í tengslum við efni áfangans. Nemendur læra hlutverk, gerð og starfsemi helstu líffærakerfa í plöntum og dýrum, lýsa myndun efna í ljóstillífun og kynnast líffærakerfi í ólíkum lífverum.