Í áfanganum er lögð áhersla á verklega og fræðilega þætti upphitunar og þols fyrir einstaklinginn. Farið er yfir muninn á loftháðri og loftfirrtri þolþjálfun. Í áfanganum er einnig farið yfir verklega og fræðilega þætti kraft- og liðleikaþjálfunar. Komið er inn á slökun og mikilvægi hennar í nútímasamfélagi. Í áfanganum er lögð áhersla á verklega og fræðilega þætti tengda réttri líkamsbeitingu og skyndihjálp. Í áfanganum er einnig fjallað um næringu og mataræði og áhrif tóbaks og áfengis á líkamann. Þá verður rætt um viðhorf til fíkniefna og nemendur fræddir um skaðleg áhrif þeirra á líkamann. Í áfanganum verða einnig teknir fyrir verklegir og fræðilegir þættir tengdir skipulagi þjálfunar. Farið er yfir helstu líffræðilegar forsendur þjálfunar, svo sem hvernig vöðvar, liðir, taugar og blóðrás starfar. Áfanginn er bæði verklegur og bóklegur.