Innflytjendabraut

Innflytjendabraut er hugsuð sem tveggja ára stuðningur við nemendur af erlendum uppruna. Nemendur fara í svokallaða ISA áfanga sem er íslenska sem annað mál. Ennfremur fara erlendir nemendur í lífsleikni áfanga sem eru sérstaklega hannaðir fyrir erlenda nemendur. Nemendur sækja aðra áfanga skólans og fara inn á aðrar námsbrautir eftir áhuga og getu.

Nýnemar fara í sérstaka umsjónartíma einu sinni í viku með umsjónarkennara. Ennfremur er boðið upp á námsstuðning í námsveri og jafningjastuðning. Nemendur fara í stöðumatspróf í íslensku við upphaf náms við skólann. Athugið að ákveðnir áfangar á heilbrigðissviði bæði í dag og kvöldskóla krefjast undanfara í ÍSA.

Nemendur geta ennfremur tekið stöðupróf í móðurmáli sínu og fengið þær einingar sem þar fást metnar inn í skólann.