Viðskiptabraut

Í nútíma þjóðfélagi er öllum nauðsyn að hafa grunnþekkingu á helstu hugtökum í bókhaldi, hagfræði og viðskiptum. Nám á viðskiptabraut er góður kostur til að öðlast slíka þekkingu og er ennfremur góður undirbúningur undir almenn skrifstofu- og verslunarstörf. Námið er því góður valkostur fyrir þá nemendur sem vilja ná sér í góða hagnýta menntun án þess að ljúka stúdentsprófi. Ákveði nemendur síðar að ljúka stúdentsprófi nýtist nám af viðskiptabraut að fullu á viðskipta- og hagfræðibraut sem hluti af námi til stúdentsprófs. Einnig nýtist nám af viðskiptabraut sem kjörsvið á félagsfræðabraut.