Viðbótarnám til stúdentsprófs

Að loknu starfsnámi Til að geta lokið stúdentsprófi að loknu starfsnámi þurfa nemendur að hafa lokið öllum áföngum og starfsþjálfunarvikum viðkomandi starfsnámsbrautar. Ekki er gerð krafa um að nemendur hafi lokið sveinsprófi í iðnnámi. Viðbótarnámið er skipulagt þannig að nemendur uppfylli lágmarkskröfur um undirbúningsnám fyrir nám við háskóla á Íslandi. Nauðsynlegt er að nemendur leiti sér upplýsinga hjá viðkomandi háskóladeild eða háskólastofnun hvort viðbótarnámið sé nægjanlegt eða hvort nauðsynlegt sé að bæta við einhverjum sérstökum námsgreinum.